१५ कात्तिक,
शुक्रबार बिहान देखिको पहिरोका कारण बिपी राजमार्ग अवरूद्ध हुँदा पूर्व जाने गाडीहरु काभ्रेपलाञ्चोकको भकुन्डेमा रोकिंदा यात्रुहरूले सास्ती भोगिरहेका छन् । यसरी सवारी रोकीदा पूर्व जाने र पूर्वबाट काठमाण्डौ आउने यात्री मार्कामा परेका छन ।
उक्त सडक खण्डमा शुक्रबार देखि नै पहिरो र लेदोको कारण राजमार्ग अवरुद्ध भइरहेको र खुलाउने प्रयास भइरहे पनि कठिनाइ भएको स्थानीय प्रशासनले जनाएको छ ।
लगातारको बर्षाका कारण बीपी राजमार्ग अन्तरगतको चौकीडाँडा, चारसयबेसीको नाङसाल क्रसर, बोक्सीकुना र माम्तीमा पहिरो खसेर तथा नार्के, पिन्थलीबेशी, विरुवाडाँडा, डालाबेशी लगायतको स्थानमा लेदोको कारण राजमार्ग पूर्णरुपमा अवरुद्ध भएको हो । माम्तीको तल्लो भेगमा गत आसोजमा सड़क बगेर बनेको डाइभर्सनमा लेदो सहितको बाढ़ी पसेको छ ।
सुरक्षित यात्राको लागि सडकको अवस्था जानकारी लिएर मात्रै यात्रा गर्न प्रहरीले अनुरोध गरेको छ ।
