पालुङटार नगरपालिका शिक्षा, युवा तथा खेलकुद शाखाले नगरपालिका भित्र सञ्चालित सामुदायिक विद्यालयका प्रधानाध्यापकहरु संग कार्यसम्पादन सम्झौता गरेको छ। प्रधानाध्यापकहरु र वडाध्यक्षहरुको संयुक्त भेला आयोजना गरी उक्त सम्झौता गरिएको हो। कार्यक्रममा नगर प्रमुख विवस चिन्तन र प्रमुख प्रशासकीय अधिकृत गौतम भण्डारीको विशेष उपस्थिति रहेको थियो। शिक्षा, युवा तथा खेलकुद शाखा प्रमुख पूर्ण बहादुर नेपालीको अध्यक्षतामा सञ्चालन भएको उक्त कार्यक्रममा शाखाका स्रोत शिक्षक सन्तोष पाण्डेले कार्यसम्पादनका सर्तहरु र मापदण्डका सूचकहरुको प्रस्तुतिकरण गर्नु भएको थियो।कार्यसम्पादन सम्झौतामा ११ ओटा सर्तहरु र ९ ओटा मापदण्डका सूचकहरु रहेका छन्। कार्यसम्पादन सम्झौताको आधारमा नगरपालिकाले माध्यमिक तहमा कार्यरत प्रधानाध्यापकहरुलाई मासिक रु ३,०००/-, निम्नमाध्यमिक तहका प्रधानाध्यापकहरुलाई मासिक रु २,०००/- र प्राथमिक तहका प्रधानाध्यापकहरुलाई मासिक रु १,५००/- प्रोत्साहन भत्ता उपलब्ध गराउनेछ।उक्त कार्यक्रममा आफ्नो भनाई राख्दै नगर प्रमुख विवस चिन्तनले कार्यसम्पादन सम्झौताको मापदण्ड मूल्याङकनमा ९० भन्दा माथि अङ्क प्राप्त गर्ने प्रधानाध्यापक कार्यरत विद्यालयलाई पालिकाले नमूना विद्यालय घोषणा गर्ने वताउनुभयो।
अबदेखि प्रधानाध्यापकको मासिक भत्ता रु ३ हजार
