क्लबद्धारा आर्थिक अभावका कारण उपचार नपाएका बालकको उपचारका लागि रु. ११ हजार आर्थिक सहयोग ।।

आँबुखैरेनी, ६ भदौं । लियो क्लब अफ आँबुखैरेनी सिटीले पिसाब थैली र मृगौंलामा पानी जमेर आर्थिक अभावका कारण उपचार नपाएका १ वर्षिय बालकलाई आज आर्थिक सहयोग गरेको छ । गोरखाको शहिदलखन गाउँपालिका वडा नं २ स्थायी घर भएका हाल आँबुखैरेनी–१, बरादीमा बस्दै आएका केशर परियारका १ वर्षिय छोरा शुसान्त परियारको अप्रेशन गर्नुपरेको र अप्रेशन तथा थप उपचारका लागि आर्थिक समस्यामा परेको भन्दै क्लबले नगद रु. ११ हजार आर्थिक सहयोग गरिएको क्लबले जनाएको छ । क्लबका प्रथम उपाध्यक्ष लियो प्रसन्न अधिकारी, द्वितीय उपाध्यक्ष लियो शैलेस वाग्ले र क्लबका कोषाध्यक्ष लियो हरिश्चन्द्र केसिको उपस्थितीमा बालकका हजुरबुवालाई नगद रु. ११ हजार आर्थिक सहयोग गरिएको क्लबका अध्यक्ष लियो अमृत पण्डितले जानकारी दिनुभयो । दैनिक ज्यालादारी गरी परिवार पाल्दै आएको र लकडाउनका कारण थप आर्थिक अवस्था नाजुक बन्दै गएपछि छोराको उपचारमा आर्थिक सहयोगका लागि केशर परियारले सबैसँग अपिल गर्नुभएको छ । अहिले आर्थिक अभावका कारण बालकलाई काठमाण्डौंको कान्ति बाल अस्पतालबाट उपचार नगरी घर ल्याईएको छ ।