गण्डकी प्रदेश प्रहरी अस्पताल, पोखराको नवनिर्मित भवन उद्घाटन
पोखरा, वैशाख १३ — पोखरा मा निर्माण सम्पन्न भएको गण्डकी प्रदेश प्रहरी अस्पताल को नवनिर्मित भवन उद्घाटन कार्यक्रम सम्पन्न भएको छ। कार्यक्रमको उद्घाटन सुरेन्द्रराज पाण्डे ले प्रमुख आतिथ्यतामा गर्नुभएको हो।
उद्घाटनपछि मुख्यमन्त्री पाण्डेले अस्पताल परिसरमा निर्माण गरिएका भवनहरूको अवलोकन गर्दै निर्माण कार्यमा योगदान पुर्याउने विभिन्न व्यक्तित्वलाई प्रशंसापत्र प्रदान गर्नुभयो। कार्यक्रममा बोल्दै उहाँले प्रदेश सरकारको पहिलो प्राथमिकता नेपाल प्रहरीले जनतालाई अहोरात्र सुरक्षा प्रत्याभूति दिन सक्ने वातावरण निर्माण गर्नु रहेको बताउनुभयो।
उहाँले नवनिर्मित भौतिक पूर्वाधारले प्रहरी संगठनको सीप, क्षमता र दक्षता अभिवृद्धि हुने विश्वास व्यक्त गर्दै विशेषज्ञ स्वास्थ्य सेवा विस्तारमा समेत प्रदेश सरकारले आवश्यक सहयोग गर्ने प्रतिबद्धता जनाउनुभयो।
कार्यक्रममा धनराज आचार्य ले अस्पतालको स्रोत–साधन विकासमा पोखरा महानगरपालिका को सहयोग निरन्तर रहने बताउनुभयो।
उक्त कार्यक्रममा श्री पश्चिम पृतना हेडक्वाटर का प्रमुख भोलानाथ थापा, आन्तरिक मामिला तथा सञ्चार मन्त्रालय गण्डकी प्रदेश का सचिव ऋषिराम आचार्य, तथा नेपाल प्रहरी अस्पताल का प्रमुख प्राविधिक प्रहरी अतिरिक्त महानिरीक्षक डा. सुन्दरप्रसाद ह्योजुको विशेष उपस्थिति रहेको थियो।
कार्यक्रममा अस्पतालका प्रमुख प्राविधिक प्रहरी वरिष्ठ उपरीक्षक अभीमन्यु श्रेष्ठले स्वागत मन्तव्य व्यक्त गर्नुभएको थियो भने निर्माण सम्बन्धी प्रतिवेदन प्राविधिक प्रहरी नायव उपरीक्षक इन्जिनियर चिरञ्जीवी प्रताप महतोले प्रस्तुत गर्नुभएको थियो।
कार्यक्रमको समापन गर्दै दिपेन्द्र जी.सी. ले निर्माण कार्यमा सहयोग गर्ने सबै व्यक्तित्वप्रति आभार व्यक्त गर्दै प्रदेश प्रहरीले उनीहरूको योगदान सधैं स्मरण गर्ने बताउनुभयो। साथै उहाँले अपराध अनुसन्धान, नियन्त्रण तथा मानवीय उद्धार कार्यमा आधुनिक प्रविधि र दक्षताको प्रयोगलाई थप प्रभावकारी बनाउँदै अघि बढ्ने प्रतिबद्धता व्यक्त गर्नुभयो।
गण्डकी प्रदेश प्रहरी अस्पताल, पोखराको नवनिर्मित भवन उद्घाटन
