बारपाकबाट गाेरखा अाउँदै गरेकाे बाेलेराे जीपमा १४ किलो ८०० ग्राम चरेससहित एक महिला पक्राउ परेकी छन् । पक्राउ पर्नेमा धार्चे गाउँपालिका ४ लाप्राककी ४३ वर्षीया कोपिला गुरुङ रहेकाे जिल्ला प्रहरी कार्यालय गाेरखाले जनाएकाे छ ।
ठूलो परिमाणमा अवैध लागूऔषध चरेशसहित धार्चे गाउँपालिका ४ लाप्राककी ४३ वर्षीया कोपिला गुरुङलाई पक्राउ गरेको डिएसपी प्रकास दाहालले जानकारी दिए ।
बुधबार राती १ः३० बजे बारपाकबाट गोरखातर्फ आउँदै गरेको बा. २० च ९३३२ नम्बरको जीपमा चेकजाँच गर्दा महिलाले पहेँलो रङको बोराभित्र पोलिथिन प्लास्टिकको झोलामा लुकाइछिपाइ ल्याइएका सो परिमाणको चरेश फेला परेको डिएसपी दाहालले जनाए ।
उनीविरुद्ध लागु औषध चरेस शीर्षकमा बिहिबार मुद्धा दर्ता गरी सात दिनको म्याद थप गरिएकाे बताइएकाे छ ।
गाडीमा सवार अन्य तीनजनाको भने प्रत्यक्ष संलग्नता नदेखिएकाले तारेखमा रिहा गरिएको प्रहरीले जनाएको छ ।
सो सम्बन्धमा थप अनुसन्धान गरिरहेको प्रहरीले जनाएको छ ।
