अर्घाखाँची, १९ असार ।
अर्घाखाँचीमा पहिराेले घर पुरिँदा एकै घरका तीन जनाकाे मृत्यु भएकाे छ । जिल्लाकाे पाणिनी गाउँपालिकामा पहिरोले घर पुरिँदा एकै घरका तीन जना बालबालिकाको मृत्यु भएकाे हाे । पहिराेमा परी एक जना घाइते भएका छन् ।
बिहान ५ बजेतिर खसेको पहिरोले पाणिनी गाउँपालिका-१ गोवनपानीका गंगा रास्कोटीको घर पुरिँदा उनका तीन जना नातिनातिनाको मृत्यु भएकाे हो ।
पहिरोमा परेर १० वर्षका धनबहादुर रास्कोटी, १२ वर्षका खुमबहादुर रास्कोटी र ११ वर्षकी मञ्जु रास्कोटीको मृत्यु भएकाे हो । ज्यान गुमाएका बालबालिका दाजुभाइका छोराछोरी रहेकाे बताइएकाे छ ।
पहिरोमा पुरिएका अर्का १४ वर्षका बालक सचिन रास्कोटी घाइते भएका छन् ।
Facebook Comments Box
