गोरखा २५, फागुन ।
नेकपा एमाले निकट बुद्धिजीवि परिषद गोरखाको अध्यक्षमा रमेश अधिकारी चयन हुनुभएको छ । बुधबार गोरखा सदरमुकाम स्थित एमाले पार्टी कार्यालयमा भएको नेपाल बुध्दिजीवी परिषद् गोरखाको ८औं जिल्ला अधिवेशन अधिकारीको अध्यक्षतामा १४ सदस्सीय कार्यसमिति सर्वसम्मत चयन गरेको हो ।
नव गठित समितिको उपाध्यक्षमा कृष्णप्रसाद पोखरेल, सचिवमा कमल प्रसाद लामिछाने, सहसचिवमा रामचन्द्र अर्याल र इन्द्रा बाँनिया, कोषाध्यक्षमा खिलानाथ सिंखडा चयन हुनुभएको छ । त्यस्तै सदस्यहरुमा सुशिल अर्याल, ज्ञानेन्द्र पोखरेल, अशोक रानामगर, अमृत लामिछाने, राजेन्द्र भट्ट, जीवन कट्टेल, रोशन बाँनिया, होमनाथ रिमाल चयन हुनुभएको जनाइएको छ ।
नेकपा एमालेका केन्द्रीय सदस्य एवं गोरखा जिल्ला इञ्चार्ज राम शरण बस्नेतको प्रमुख आतिथ्यतामा भएको कार्यक्रममा एमाले गोरखाका अध्यक्ष प्रेम गुरूङ लगायतको सहभागिता रहेको थियो । अधिबेशेनको बिधान बमोजिम कार्यसमितिमा ५ जना पछि मनोनित गरिने परिष्दले जनाएको छ ।
