Trending

माइमनकामना टोल बिकासको उदाहरणीय कार्य, बिद्यालय पढने बिद्यार्थीहरुको बिवरण संकलन गर्दै

सामुदायिक सिकाई केन्द्रले सहकार्य गरिरहेको

गोरखा संसार
जेठ २५,गोरखा
बिश्व महामारीको रुपमा फैलिएको कोरोना भाइरसका कारण नेपालमा लकडाउन भएको लामो समय भएको र बिद्यालय बन्द भएसँगै बिद्यार्थीहरु अन्योलमा परेका बेला गोरखाको पालुङ्टार नगरपालिका वडा नं. ७ मा रहेको माइमनकामना टोल बिकास संस्थाले बिद्यार्थीहरुको बिबरण संकलन तथा परामर्श कार्यक्रम शुरु गरेको छ ।
सँस्थाका अध्यक्ष भक्त कुमार श्रेष्ठले आफ्नो टोलका बिद्यार्थीहरु अन्योलमा रहेकाले उनीहरुको अवस्था बुझेर परामर्श दिनसकेमा सकारात्मक सन्देश दिन सकिन्छ कि भन्ने उद्धेश्यले बिबरण संकलन गर्न थालिएको बताउनुभयो ।
उहाँको योजना थाहा पाएपछि च्याङली सामुदायिक सिकाइ केन्द्र का अध्यक्ष रविन्द्र कंडेलले सहयोग गर्ने प्रतिबद्धता गर्दै आज टोल भित्रका सबै घरघरमा पुगेर बिद्यार्थीहरुको बिबरण संकलन गर्दै उनीहरुलाई परामर्श गरिएको र घरमै बसेर पनि अध्ययन कार्यलाई अगाडी बढाउन सकिने कुरा बिद्यार्थीलाई परामर्श दिँदा अभिभावकहरु निकै खुशी भएका छन् ।
उक्त अभियानमा टोलबिकास संस्थाका अध्यक्ष श्रेष्ठ, सिकाइ केन्द्रका अध्यक्ष कंडेल सहित सिकाइ केन्द्रकी राममाया आले तथा कुमारी मगर सहभागी भएका थिए ।
शिक्षा बिज्ञान तथा प्रविधी मन्त्रालयले बैकल्पिक शिक्षाको प्रणालीबाट बिद्यार्थीको सिकाइ सहजीकरण निर्देशिका जारी गरेको अवस्थामा सोही निर्देशिका बमोजिम उक्त कार्य शुरु गरिएको छ ।
उक्त वडामा १८ वटा टोलबिकास संस्थाहरु रहेका छन् । उक्त टोलबिकास संस्थामा आबद्ध ६५ घरधुरी रहेका छन । टोलका ६५ घरधुरीमा आज संकलन गरिएको बिबरण अनुसार बिभिन्न बिद्यालयमा अध्ययन गर्ने नर्सरी देखि कक्षा १० सम्म अध्ययनरत ६८ जना बिद्यार्थीहरु रहेका छन् । उनीहरु सबैलाई घरमा सुरक्षित रुपमा बसेरै उनीहरुसंग उपलब्ध श्रोत र साधनको प्रयोग गरी पठनपाठनलाई अघि बढाउन सुझाव दिइएको थियो ।

Back to top button