रुकुम घटनाकाे दाेषिलाई कडा कारबाहीकाे माग गर्दै बन्दिपुर गापाका अध्यक्ष थापा मार्फत गृहमन्त्रीलाई ज्ञापन पत्र

तनहुँको बन्दिपुर १ डुम्रे बजारमा रुकुम पश्चिम नरसंहारमा समलग्न अपराधीहरुलाइ हदैसम्म कारबाहीको।माग राख्दै जातीय नरसंहारको बिरोध र भत्सर्ना सहित मृतकहरु श्रद्धाञ्जलि कार्यक्रम गर्दै बन्दिपुर गाउँपालिका मार्फत गृहमन्त्रीलाई ध्यानाकर्षण पत्र भुझाइएको छ।

देशव्यापी रुपमा आन्दोलन भैरहेको बेला जातिय आधारमा भएको नरसंहार घटनामा दोषीलाई  ढाकछोप र संरक्षण गर्ने काम भइरहेको हुदा यस्तो कार्य सहय नहुने भन्दै दलित समुदायले भिम बहादुर बिश्वकर्माको अध्यक्षतामा कार्यक्रम गरि गृहमन्त्रीलाई ज्ञापन पत्र पेश गरेको हो।

रुकुम भएको घटना मानवीय नभै अमानवीय भएको एउटा दलितको रगतले जनजाति महिला बचाउन हुने बिहे गर्न किन नहुने भन्दै  बन्दिपुर गाउँपालिकाका अध्यक्ष थापाले दलित समुदायको लागि नेपाल सरकारले दिएको अधिकारको खोज गर्न एउटा समुह गठन गरि गाउँपालिकामा सम्पर्क राख्न समेत अनुरोध गर्नु भएको छ । जातिय आधार छुवाछूत गर्न नहुने भन्दै आफुले बन्दिपुरवासीको अभिभावक  हुनुको जिम्मेवारी पूरा गर्ने र आफू सधै न्यायको साथमा रहेको समेत बताउनु भयो ।

तनहुँ जिल्ला दलित संघका उपाध्यक्ष रामकृष्ण सुनारले  दलित समुदाय माथी भएको अमानवीय व्यबहारलाई  अन्त्य गर्नु पर्ने बताउदै हिजोको दस बर्से जनयुद्धमा दलितहरुले दिएको बलिदान परिबर्तनको लागि भएको तर छुवाछूत  मुक्त  देश घोषण गर्दा पनि जातिय आधारमा यस्ता घटना घटेको हुँदा पीडितले न्याय नपाए आफुहरु चुप लागेर नबस्ने बताए।

भानु सस्कृत मा बिका उपप्राध्यापक कृष्ण सुनारले कार्यक्रममा बोल्दै हिजो बुद्धको देश सगरमाथाको देश भनेर चिनिने देश आज जातीय छुवाछूत गरि मान्छेको ज्यान सम्म लिने देश भनेर चिनिएको बताउदै नवराज र उनका साथीहरुको मात्र नभै ५० लाख दलित को आत्मसम्मानको हत्या भएको सबै सपना हक अधिकार भेरी नदिले बगाएको बताए।अब यस्तै छुवाछूत को कारण मान्छेको हत्या सम्म हुने हो भने दलित समुदायले मुक्ति कि मृत्यु रोज्नु परेको दिन आएमा यो दिन राज्यलाई महङ्गो पर्ने बताउनु भएको छ ।

यस्तै तनहुँ नागरिक अभियानका रोहित बिश्वकर्माले जातीय विभेदका कारणले भएको घटनाको सत्यतथ्य छानबिनको लागि जोडदार माग गरेका छन । स्थानीय स्तरमा दलितका हकहितका लागि आएका हरेक अधिकार  दलितलाई दिएर एउटा सामन्त मुलक समाज निर्माण गर्न आग्रह गरेका थिए ।

रुकुम घटनाका दोषीलाई कारबाही होस भन्दै  दबाब  सिर्जना गर्न एक बिज्ञटोलिको छानबिन समिति काठमाडौंमा बन्दै गरेको र छनबिन प्रक्रियामा लाग्ने खर्च देशभरिका सचेत दलितहरु बाट उठाएको र तनहुँ सुन चादी व्याबासायी संघ एकाइ बाट पनि दस हजार सहयोग प्राप्त भएको तनहुँ सारदा कलेजका उपप्राध्यापक सुनारले बताए ।

डुम्रे सुनचाँदी ब्यवसायी इकाईका सचीव हेमलाल भि के ले संचालन गरेको कार्यक्रममाअन्य उपस्थितिमा वडा न १ का वडा अध्यक्ष भानुभक्त पोख्रेल,वडा न ४ का डुम्रे खहरे टोल बिकास सस्थाका अध्यक्ष राजु खड्गी, अटोमेकानिकल संघ डुम्रेका श्याम सदाशंकर, प्रहरी चौकी डुम्रेका प्रतिनिधि,शिबालय आमा समुहका प्रतिनिधिहरु तथा स्थानीय दलित समुदायहरुको उपस्थिति रहेको थियो।

Leave a Reply

Your email address will not be published. Required fields are marked *

Back to top button
Close

Adblock Detected

Please consider supporting us by disabling your ad blocker