Trending

पालुङ्टार ७ मा १ रात क्वारेन्टाइनमा राखेर छाडियो ५ जनालाई

गोरखा संसार

चैत्र १६, गोरखा ।

विश्वमा आतंकको रुपमा फैलिरहेको कोरोनाको को संक्रमण नियन्त्रणको लागि सरकारले सम्पूर्ण जनताहरुलाई घरमा वसेर लक डाउनको आदेश पालना गर्न आग्रह गरिरहेको बेला पालुङ्टार नगरपालिका वडा नं. ७ को कार्यालयले ५ जनालाई एक रात क्वारेन्टाइनको रुपमा एक विद्यालयमा एक रात राखेर छाडिएको छ ।

एकजना दुवईबाट आएका र उनको श्रीमतीलाई उपचारका लागि पोखरा लगेर फर्काउँदै गर्दा वडा कार्यालयको समन्वयमा च्याङ्ली स्वास्थ्य चौकी र अस्थायी प्रहरी पोष्टमा प्रमुखको टोलीले उनीहरुलाई त्यहाँ राखिएको बताइएको छ । सरकारले लकडाउनको घोषणा गरेकै समयमा उनीहरु पोखरा पुगेर फर्कँदै गर्दा डुम्रेदेखि नै उनीहरुलाई नियन्त्रणमा ल्याई एक विद्यालयमा राखियो । उनीहरुलाइ घरमै क्वारेन्टाइनको रुपमा बस्न अनुरोध गर्दै गर्दा पनि उनीहरुकै दाजुभाइ तथा छिमेकीहरुको आग्रहअनुसार नजीकैको विद्यालयको एक कोठामा ५ जनालाई राखियो । उक्त ठाउँमा उनीहरुलाई खाना भने घरकै मानिसहरुले पुर्याउने व्यवस्था मिलाइएको च्याङ्ली स्वास्थ्य चौकीका इन्चार्ज भरतराज पाण्डेले बताउनुभएको थिया े ।

त्यहाँ राखिएकाहरुले भने कुनै सुविधा नभएको, पानी,बत्ती केही नभएका कारण स्वास्थ्यमा झन बढी खतरा हुन सक्ने बताएका थिए, त्यसपछि नगरप्रमुख संग कुरा गर्दा नगर प्रमुख दिपक बाबु कंडेलले भने नगरपालिकाले ठाँटीपोखरीमा क्वारेन्टाइन निर्माण गरिएको र आवश्यक परेका खण्डमा यहाँ ल्याएर राख्न सक्ने बताएपनि बेलुकी पख भने उनीहरुलाई स्वास्थ्य चौकी इन्चार्जले नै फोन गरेर विद्यालय छाडी घर जान भनेपछि घरमै गएर सुरक्षित साथ बसेको बताएका छन् ।

उनीहरुका लागि उक्त स्थानमा राख्दा र छोडदा समेत कुनै प्रकारको स्वास्थ्य परीक्षण नगरिएको उनीहरुले बताएका छन् । नगरपालिकाले शंकास्पद व्यक्तिहरुका लागि राख्न १८ बेडको क्वारेन्टाइन वडा नं. ५ को धर्मावती प्रा.वि. मा व्यवस्था गरिसकेको र सवै व्यवस्था मिलाइसकिएकोले क्वारेन्टाइनमा राख्नुपर्ने व्य िक्तहरुलाई त्यहाँ ल्याएर राख्न सकिने नगरप्रमुख कंडेलले बताउनुभयो ।

Back to top button