दाङ, २८ साउन ।
दाङमा एक वृद्धलाई पत्रे खाेलाकाे बाढीले बगाएर बेपत्ता भएका छन् ।
घोराही उपमहानगरपालिका–११ निवासी ६४ वर्षीय तिलकराम खोलाले बगाएको हो । घरनजिकै रहेको खोलामा शौच गर्न बसेका विकलाई माथिबाट आएको बाढीले बगाएको प्रहरीले जनाएको छ ।
वृद्धको छाता,चश्मा र लठ्ठी प्रहरीले फेला पारेको छ । बिहान करिब साढे ८ बजे बगेका विकको प्रहरीले अहिले खोजतलासको काम जारी राखेको जिल्ला प्रहरी कार्यालय दाङका प्रहरी नायव उपरीक्षक राजन गौतमले जानकारी दिनुभयो ।
गएराति परेको अविरल वर्षाका कारण दाङका खोलाहरुमा बाढी आउनुका साथै पानीको सतह अत्याधिक बढेको छ ।
Facebook Comments Box
