गोरखा । भीमसेनथापा गाउँपालिका–२ स्थित पधेरे खोलामा मंगलबार राति भएको ट्याक्टर दुर्घटनामा एक जनाको मृत्यु भएको छ ।
प्रहरीका अनुसार बैशाख २९ गते राति करिब ११ बजे भएको दुर्घटनामा ट्याक्टरमा सवार एक जनाको घटनास्थलमै मृत्यु भएको हो । दुर्घटनापछि स्थानीयवासी तथा सुरक्षाकर्मी उद्धारका लागि घटनास्थल पुगेका थिए ।
दुर्घटनाको कारण र मृतकको पहिचान खुल्न बाँकी रहेको प्रहरीले जनाएको छ । घटनाबारे थप अनुसन्धान भइरहेको छ ।
स्थानीयका अनुसार दुर्घटना भएको क्षेत्र सडक जोखिमयुक्त रहेको बताइएको छ । रातिको समयमा भएको दुर्घटनाले स्थानीयवासीमा समेत त्रास फैलिएको छ ।
