राजेन्द्र न्याैपाने
प्रधानमन्त्री पुष्पकमल दाहाल (प्रचण्ड) ले सार्वजनिक र नीजि क्षेत्रको साझेदारीबाट अर्थतन्त्र अगाडि बढाउन सकिने बताएका छन् । आज गाेरखामा उनले भने, “ म गोरखा जिल्लाका जनताप्रति आभारी छु । गोरखा जिल्लाबाट नेपाल राष्टको नेतृत्व गर्ने अवसर मलाइ प्राप्त भएको छ । सार्वजनिक सार्वजनिक क्षेत्र र नीजि क्षेत्रको साझेदारीबाट अर्थतन्त्र अगाडि बढाउन सकिन्छ ।” गोरखा जिल्लाबाट नै भौतिक पुर्वाधार मन्त्री समेत क्याविनेटमा रहनुभएको छ । गोरखामा गर्ने विकास निर्माणका कामहरुका सन्दर्भमा मैले सहज महसुस गरेको छु । सबै पालिकाहरुलाई सडक सञ्जालमा जोड्ने, बुढीगण्डकी जलविद्युत आयोजनालाई अगाडि बढाउने र गोरखा देखि रुइला नाका सम्म सडक खोल्न लागि पर्नेछु उनले भने । गोरखाको जनप्रतिनिधिको हैसियतले गोरखा र देशकै नेतृत्व गर्ने अवसर पाएको छु । दुर्लभ पाइने अवसर गोरखाले पाएको छ । गोरखाली जनताको विकासको आकाँक्षा पुरा गर्दै जाने प्रतिबद्धता व्यक्त गर्दछु । विकासका चुनौतीहरुको सामना गर्न, नेपाल विकासको मार्गचित्र मेरो दिमागमा छन्, सँसदमा मैले प्रस्तुत गरेको छु । देशको विकास र आर्थिक क्रान्तिको निम्ति नयाँ युगको सुरुवात गर्न सबैले मलाइ विश्वास गर्नुभएको छ । यो जिम्मेवारीलाई पूरा गर्न आफू लागि पर्ने उनले बताए। गोरखा उद्योग वाणिज्य सँघको आयोजनामा भएको कार्यक्रममा भौतिक योजना तथा पुर्वाधार मन्त्री नारायणकाजी श्रेष्ठ, गोरखा निर्वाचन क्षेत्र नम्बर १ का साँसद राजेन्द्र बजगाई, नेपाली काँग्रेसका जिल्ला सभापति नन्दप्रसाद न्यौपाने, उद्योग वाणिज्य सँघ नेपालका उपाध्यक्ष दिनेश श्रेष्ठ, लगायतले मन्तव्य राख्नुभएको थियो । कार्यक्रम उद्योग वाणिज्य सँघ गोरखाका अध्यक्ष कृष्णकुमार श्रेष्ठको अध्यक्षतामा भएको थियो । नेपाली सेनाको हेलिकप्टरबाट गोरखा आइपुग्नुभएका प्रधानमन्त्री आजै काठमाण्डौ फर्केका छन् ।
