पाैष १६, गाेरखा ।
च्याङली सामुदायिक सिकाइ केन्द्र पालुङटार ७ गोरखाको नवााैं बार्षिक साधारणसभा सम्पन्न भएको छ ।
सिकाइ केन्द्रका अध्यक्ष रबिन्द्र कंडेलको अध्यक्षतामा सम्पन्न भएको साधारणसभामा नगरप्रमुख बिवश चिन्तनले प्रमुख अतिथिको रूपमा बोल्दै व्यवसायमुखी योजना निर्माण गर्नुपर्नेमा जोड दिनुभएको थियो ।
सोही क्रममा उहाँले नगरपालिकाभित्र भए गरेका कामको बारेमा समेत जानकारी गराउनुभएको थियो ।
त्यस्तै सभामा बिशेष अतिथिको रूपमा बोल्दै पालुङटार नगरपालिका शिक्षा शाखाका प्रमुख माधवराज पोखरेलले जनमुखी कार्यक्रमहरू ल्याउन अनुरोध गर्नुभएको थियो ।
त्यस्तै गरी पालुङटार नगरपालिका वडा नं. ७ का वडाध्यक्ष अर्जुन कुमालले शैक्षिक सुधारमा जोड दिनुपर्ने कुरामा जोड दिनुभएको थियो ।
सिकाइ केन्द्रका सदस्य गणेशलाल श्रेष्ठले स्वागत मन्तव्य राख्नुभएको सो सभामा टोलबिकास संस्थाका तर्फबाट चन्द्र बहादुर कुमाल, महिला समूहका तर्फबाट सावित्रा बि.क. लगायतकाले शुभकामना मन्तव्य राख्नुभएको थियो ।
सिकाइ केन्द्रको साधारणसभामा अध्यक्ष रविन्द्र कंडेलले संस्थागत गतिबिधी तथा अगामी कार्ययोजना सहितको प्रतिवेदन प्रस्तुत गर्नुभएको थियो भने सचिव राममाया थापाले अर्थिक प्रतिवेदन पेश गर्नुभएको थियो ।
च्याङलीमा बि.सं.२०६९ सालदेखि स्थापना भएर निरन्तर रूपमा शिक्षा, सीपमूलक एवं रोजगारमूलक कार्यक्रमहरू, स्वरोजगारका लागि घुम्तीकोष लगानी लगायतका कामहरू गर्दै अइरहेको छ ।
यस वडाभित्र १८ वटा टोलबिकास संस्था, ४१ वटा महिला समूह लगायतका संस्थाहरू रहेका छन् ।
