गाेरखामा अब दैनिक रूपमा इ पासपाेर्टकाे फर्म भर्न पाइने

जिल्ला प्रशासन कार्यालय गोरखाले  बुधबार एक सूचना जरी गर्दै विहिबार विहान १० बजेदेखि राहदानीको अनलाइन आवेदन फाराम भर्न पाइने व्यवस्था गरेको जनाएको छ ।

कार्यालयमा यसअघि हप्ताको बुधबार मात्र इ–पासपोर्डको अनलाइन फाराम भर्न पाउने व्यवस्था गरेको थियो । तर नागरिकलाई सास्ती भएको, बाहिर विभिन्न साइबरहरुमा भर पर्नु परेको र कति नागरिकहरुहरुमा बढी शुल्क लिएको गुनासो आएकाले प्रत्येकदिन खोल्ने निर्णय गरेको सहायक प्रमुख जिल्ला अधिकारी चित्राङ्गत बरालले जानकारी दिनुभयाे । उहाँका अनुसार प्रत्येक दिन ५० जनाको दरले आवेदन फाराम भर्न पाइने छ । एक दिनमा ५० जना भन्दा बढीले भर्न नपाइने उहाँले बताउनुभयाे ।

विद्युतीय राहदानीको अनलाइन आवेदन भरेको भोलिपल्ट नै राहदानीका लागि कार्यालयमा आएर फोटो खिच्न लगायतका कामहरु गर्न पाइने उहाँले बताउनुभयाे । विद्युतीय राहदानी बनाउनका लागि अहिले राष्ट्रिय परिचयपत्र अनिवार्य रहेको बताउँदै प्रशासन कार्यालय गोरखा राष्ट्रिय परिचयपत्र बनाउने कार्यलाई थप व्यवस्थित गरेको बताउनुभयाे ।

पहिलो दुईवटा स्टेशन रहेकोमा अहिले एउटा थपेर तीन वटा स्टेशन बनाएका उहाँले जानकारी दिनुभयाे । केही महिना अघिदेखि नै गाउँगाउँमा संचालनमा भएको शिविरबाट पनि धेरै जनाले राष्ट्रिय परिचयपत्र बनाइसकेको छ ।

जिल्लामा आएका सेवाग्राहीहरुलाई पनि सहजमा रुपमा सेवा प्रदान गर्नका लागि राष्ट्रिय परिचयपत्र र विद्युतीय राहदानी व्यवस्थालाई थप व्यवस्थित बनाएको सहायक प्रजिअ बरालले जानकारी दिनुभयाे।

Leave a Reply

Your email address will not be published. Required fields are marked *

Back to top button
Close

Adblock Detected

Please consider supporting us by disabling your ad blocker