गाेरखा, फागुन २८
गाेरखाकाे पालुङटार नगरपालिका वडा नं.७ स्थित च्याङली सामुदायिक सिकाइ केन्द्रकाे अायाेजनामा वडभित्र रहेका सबै टाेल बिकास संस्था तथा महिला समूहका अध्यक्षहरूका लागि १ दिने अभिमुखीकरण कार्यक्रम सम्पन्न गरेकाे छ ।
केन्द्रकाे कार्यालय भवन रहेकाे स्थान वडा नं. ७ काे कार्यालयकाे सभाहलमा भएकाे कार्यक्रमकाे उदघाटन उपस्थितहरूमध्येबाट जेष्ठ सदस्य एवं राधाकृष्ण टाेलबिकास संस्थाका अध्यक्ष दयाराम लामिछानेले ब्यानर पढेर गर्नुभएकाे थियाे ।
सिकाइ केन्द्रका अध्यक्ष रबिन्द्र कंडेलकाे सभापतित्वमा सम्पन्न साे कार्यक्रममा वडा नं. ७ का १८ वटा टाेलबिकास संस्थाका अध्यक्षहरू सहित बिभिन्न महिला समूहका अध्यक्षहरू समेत गरी ६० जनाभन्दा बढीकाे सहभागिता रहेकाे थियाे । अध्यक्ष कंडेलले सिकाइ केन्द्रकाे परिचय, अबधारणा तथा कार्यक्षेत्र र स्थापनाका बारेमा प्रस्तुतीकरण गर्नुका साथै कार्यक्रमकाे अाैचित्यकाे बारेमा प्रष्ट्याउनुभएकाे थियाे । च्याङली स्वास्थ्य चाैकिका इन्चार्ज भरतराज पाण्डेले साे अवसरमा स्वास्थ्य क्षेत्रका गतिबिधीसहित सिकाइ केन्द्रकाे संंलग्नताकाे बारेमा जानकारी राख्नुभएकाे थियाे ।
कार्यक्रममा सिकाइ केन्द्रका कार्यसमिति सदस्य इन्द्र काेइरालाले स्वागत मन्तव्य राख्नुभएकाे थियाे भने केन्द्रकी सचिव राममाया अालेले कार्यक्रमकाे सञ्चालन गर्नुभएकाे थियाे ।
कार्यक्रमबाट सिकाइ केन्द्रकाे घुम्तीकाेष स्थापना गरी बिभिन्न ७ वटा समूहमा अावद्द भइ व्यवसाय गर्दै अाएका ब्यवसायीहरूबाट सञ्चालन गर्नकाे लागि छनाेट गर्ने समेत निर्णय गरिएकाे छ ।
च्याङली सामुदायिक सिकाइ केन्द्र साविककाे च्याङली गा.वि.स. हाल पालुङटार नगरपालिका वडा नं. ७ मा बि.सं.२०६९ सालमा शैक्षिक श्राेत तथा बिकास केन्द्रकाे सहकार्यमा स्थापना भइ २०७१ सालमा अनाैपचारिक शिक्षा केन्द्रमा दर्ता भएकाे थियाे । स्थापना कालदेखि नै सिकाइ केन्द्रले यस वडाभित्र साक्षरता कक्षा, साक्षराेत्तर कक्षा, सीपमूलक तथा अायअार्जनका क्षेत्रमा बिशेष याेगदान दिँदै अाइरहेकाे छ ।
