कोशिश संस्थाको आयोजनामा गरिएको प्राथमिक मनोवैज्ञानिक सहयोग सम्बन्धि एकदिने अभिमुखीकरण कार्यक्रम भाद्र २१ गतेका दिन सम्पन्न भएको छ । प्रहरी प्रशासनका निम्ति आयोजना गरिएको सो कार्यक्रममा २९ जनाको सहभागिता रहेको थियो । नजिकिदै गरेको विश्व आत्महत्या रोकथाम दिवस सन् २०२१ को सन्दर्भमा उक्त कार्यक्रम आयोजना गरिएको हो । अभिमुखीकरणको सत्रलाई कोशिशका तर्फबाट मनोबिद विनय पाण्डे र सरोज सिम्खडाले सहजीकरण गर्नुभएको थियो ।
सहभागिता मुलक सो कार्यक्रमको जिल्ला प्रहरी कार्यालय तनहुँका प्रमुखले प्रसंशा गर्नुको साथै भविष्यमा पनि यस्ता कार्यक्रमलाई निरन्तरता दिने र आम नागरिकको मानसिक स्वास्थ्य प्रवर्द्धन र आत्माहत्या रोकथामका निम्ति सहकार्य र समन्वय गर्ने प्रतिवद्धता समेत दिनुभएको छ ।
कोशिशले सेप्टेम्बेर १० तारिक, शुक्रबारका दिन विश्व आत्महत्या रोकथाम दिवसको सन्दर्भमा जिल्ला प्रशासन कार्यालय तनहुँ, व्यास नगरपालिका, र जिल्ला प्रहरी कार्यालय तनहुँको संयुक्त आयोजनामा घुम्ती परिक्रमा र दिप प्रज्वलन कार्यक्रम गर्ने योजना पनि रहेकाे काेशिश तनहुंका रवि लाेचन पाैड्यालले जानकारी दिनुभयाे ।
