मुख्यमन्त्री पृथ्वि सुब्बा गुरुङकाे बुद्ध पूर्णिमाकाे शुभकामना सन्देश

पाेखरा ।

गण्डकी प्रदेशका मुख्यमन्त्री पृथ्वि सुब्बा गुरुङले बुद्ध पूर्णिमाकाे अवसरमा शुभकामना सन्देश दिएका छन् । राजनैतिक खिचातानीका कारण जनअपेक्षा पूरा गर्न बाधा व्यवधान आइपरेकाे उनले बताएका छन् ।

गुरुङद्वारा जारी विज्ञप्ती

आज २०७८ जेठ १२ गते अर्थात २५६५ औं बुद्ध जयन्ती । स्वदेश तथा विदेशमा रहनुभएका सम्पूर्ण बौद्ध धर्मावलम्बी लगायत सम्पूर्ण नेपाली दिदीबहिनी तथा दाजुभाइहरुमा बुद्ध जयन्तीको यो पावन अवसरमा सुख, शान्ति, समृद्धि, सु-स्वास्थ्य, आपसी सद्भाव, एकता, भातृत्व एवं उत्तरोत्तर प्रगतिका लागि हार्दिक शुभकामना व्यक्त गर्दछु ।

हाम्रो देश नेपाल बहुधार्मिक मुलुक हो। बहुसांस्कृतिक मुलुक हो । बहुजातीय मुलुक हो । विविधताभित्रको एकता नै हाम्रो विशेष पहिचान हो।विविधतामा एकता र सहिष्णुता हाम्रो मुलुक नेपालको सबल पक्ष हो । सार्वभौम नेपाली जनताका प्रतिनिधले २०७२ सालमा जारी गरेको नेपालको संविधानले विविधतासहितको हाम्रो समाजलाई सम्बोधन गरेको छ । यो उपलब्धि हामीले लामो संघर्षपछि प्राप्त गरेका हौं । जनअपेक्षा पूरा गर्दै हामी विकास र प्रगतिसहितको समृद्ध नेपाल निर्माण गर्न लागिपरेका छौं । यसमा सबैको सकारात्मक भूमिकाको मैले अपेक्षा गरेको छु।

नेपालको पवित्र भूमिमा जन्मेर विश्व मानव कल्याणका लागि ठूलो योगदान दिनु भएका गौतम बुद्ध हाम्रो मुलुकका मात्रै नभई विश्वकै प्रेरणाका अमूल्य स्रोत हुनुहुन्छ । आज विश्वले उहाँले मार्गदर्शन गराउनुभएको मानव कल्याणको बाटो अनुसरण गर्न जुन प्रयत्न गरेको छ, त्यो हामी सबै नेपालीका लागि गर्वको विषय हो ।

महामानव गौतम बुद्धले मानव कल्याण र शान्तिका लागि देखाउनु भएको बाटो अझ धेरै व्यवहारमा आत्मसात गरेर अघि बढ्नुपर्ने आवश्यकता म देख्दछु । विश्व नै कोभिड १९ को महामारीले आक्रान्त बनेको यो घडीमा बुद्धले देखाउनु भएको मानव कल्याणको मार्ग झन् सान्दर्भिक भएको मैले महसुस गरेको छु । नेपाल राजनीतिक उथलपुथलमा रुमलिन जाँदा जनअपेक्षा पूरा गर्न बाधा र व्यवधान आइपरेका छन् । यस सन्दर्भमा पनि बुद्धले व्यवहारमा प्रदर्शन गरेको त्याग र तपस्याको बाटो अझै बढी सान्दर्भिक हुन पुगेको छ ।

हामी नेपालीका प्रेरणा पुञ्ज बुद्धका उपदेश र व्यवहारपरक मार्ग निर्देशनलाई पालना गरेर अघि बढ्न सके आजका सम्पूर्ण दुख निवारण हुने कुरामा कुनै दुई मत हुन सक्दैन । संसारमा दुख छ र दुखको निवारण पनि छ भन्ने बुद्ध मार्ग निर्देशलाई हामी सबैले आजको दिनमा आत्मसात गर्न सक्यौं भने हाम्रा दैनन्दिनका कठिनाइबाट मुक्ति पक्कै पनि सम्भव छ । बुद्ध जयन्तीको अवसरमा सम्पूर्ण नेपालीलाई बुद्धका मार्गदर्शनबाट प्रेरणा प्राप्त भई सकारात्मक उपलब्ध हाँसिल हुन सकून् भन्ने शुभकामना प्रकट गर्दछु ।

Facebook Comments Box
हेडलार्इन
गोर्खा संसार

त्रिभुवन अन्तर्राष्ट्रिय विमानस्थलमा इडुरोम सञ्चालन गर्न समझदारी

काठमाडौं । त्रिभुवन अन्तर्राष्ट्रिय विमानस्थलमा इडुरोम सञ्चालन गर्न  समझदारी भएकाे छ । नागरिक उड्डयन कार्यालय र नेपाल अनुसन्धान तथा शिक्षा सञ्जाल (नेअशिस) बिच त्रिभुवन अन्तर्राष्ट्रिय

सबै पढनुहोस »
फुटबल
गोर्खा संसार

प्रथम पूर्णे पिपल कप फुटबल प्रतियोगिताको उपाधि खत्रीटारलाई

गोर्खाको भलुङ्टार नगरपालिका वडा नम्बर ७ च्याङ्लीमा अवस्थित पुर्णे पिपल युवा क्लबद्वारा आयोजित प्रथम पूर्णे पिपल कप फुटबल प्रतियोगिताको उपाधि खत्रीटार युवा क्लबले हात पारेको

सबै पढनुहोस »
फुटबल
गोर्खा संसार

पालुङटार नगरपालिका वडा नम्बर ७ च्याङ्लीमा रहेको पूर्णे पिपल युवा क्लबद्वारा आयोजित अन्डर नाइन्टिन फुटबल प्रतियोगिताको उद्घाटन खेलमा खत्रीटार युवा क्लब विजयी बनेको छ। पुर्णे

सबै पढनुहोस »
राष्ट्रिय
गोर्खा संसार

अण्डाको समर्थन मूल्य तोकियो, मध्यमको प्रतिक्रेट ३७५

काठमाडौं । नेपाल लेयर्स कुखुरा पालक संघले अण्डाको समर्थन बिक्री मूल्य तोकेको छ । नयाँ समर्थन मूल्य भोलि चैत २२ गतेबाट लागू हुनेछ ।नयाँ समर्थन

सबै पढनुहोस »
Uncategorized
गोर्खा संसार

त्रिशुलीमा खसेर बेपत्ता भएका बालकको शव चारदिनपछि फेला

पशुपति आर्यघाटमा बुबाको दाहसंस्कार गरेर फर्किँदा त्रिशुलीमा खसेर बेपत्ता भएका एक बालकको शव चारदिनपछि फेला परेको छ । बा २ ज ४१९६ नंबरको ट्याक्सी पृथ्वीराजमार्गको

सबै पढनुहोस »
मुख्य समाचार
गोर्खा संसार

रेडक्रस, समाज कल्याण र बालअधिकार परिषद् सुधार्न क्रियाशिल छुः मन्त्री चौधरी

काठमाडौं । महिला बालबालिका तथा ज्येष्ठ नागरिक मन्त्री भगबती चौधरीले मन्त्रालय र मन्त्रालयसँग संबद्ध सरकारी निकाय सुधार गर्न आफु प्रतिबद्ध रहेको बताउनु भएको छ ।

सबै पढनुहोस »
No widgets found. Go to Widget page and add the widget in Offcanvas Sidebar Widget Area.