गोरखा ९, जेठ । नेपाली काग्रेस गोरखाले प्रतिनिधि सभा विघटन निन्दनिय र गैह्रसंबैधानिक भएको बताएको छ । पार्टीका जिल्ला सचिव नन्दप्रसाद न्यौपाने आइतबार एक बिज्ञप्ति जारी गर्दै रष्ट्रपति विद्यादेवी भण्डारीले आफुमा नभएको अधिकार प्रयोग गरि प्रतिनिधिसभा विघटन गर्नु निन्दनीय र गैह्रसंवैधानिक कार्य भएको आरोप लगाएको हो ।
वैकल्पिक सरकार बनाउने अवस्था हुदाहुदै राष्ट्रपतिले जवरजस्ती आफुमा नभएको अधिकार प्रयोग गरि असंवैधानिक तवरबाट केपी ओलीलाई प्रधानमन्त्रीमा नियुक्ति गरेर प्रतिनिधिसभा विघटन गर्नु निन्दनिय र गैर संवैधानिक कार्य भएको बिज्ञप्तिमा उल्लेख छ । केपि वलीको नेतृत्वमा सरकार गठन भएपछि निरन्तर रुपले गैर संवैधानिक र अलोकतान्त्रिक गतिविधि गर्दै लोकतान्त्रिक मुल्य मान्यताको अबमुल्यन, विधि पद्वतिको ब्यवस्था र संसदीय पद्वतिको खिल्ली उडाउने काम भएको छ’ बिज्ञप्तिमा भनिएको छ ।
बिज्ञप्तिमा प्रतिनिधि सभामा तत्काल कायम रहेको सदस्य संख्याको स्पष्ट बहुमत सहित १४९ जना माननीय सदस्यहरुको हस्ताक्षर सहित प्रधानमन्त्रीको लागि दावी गर्दागर्दै शेरबहादुर देउवालाई प्रधानमन्त्रीमा नियुक्त गनुपर्नेमा त्यसलाई इन्कार गरी बैकल्पिक सरकार बनाउनु पर्ने अबस्थामा राष्ट्रपतिले जवरजस्ती आफुमा नभएको अधिकार प्रयोग गरी असंवैधानिक तवरबाट मध्यरातमा प्रतिनिधि सभा विघटन गर्नु निन्दनीय र गैह्र संवैधानिक रहेको उल्लेख छ ।
काग्रेस गोरखाले पदको चरम दुरुपयोग गरी राष्ट्रपतिबाट भएका घार असंवैधानिक, अलोकतान्त्रिक, अधिनायकवादी र सर्वसत्तावादी कार्य भएको घोर भत्र्सना र निन्दा गर्दै संघीय लोकतान्त्रिक गणतन्त्र र नेपालको संविधानको रक्षाका लागि सबै लोकतन्त्रवादी शक्तिहरुलाई एकजुट भई कार्य गर्नआवहन गरेको छ ।
