Trending

पालुङ्टार सावुनकाे उत्पादन शुरू , औपचारिक समारोह गरी उद्घाटन गरेर बजारमा ल्याइदै

गोरखाको पालुङ्टारमा सावुन उत्पादन सुरु भएको छ । पालुङ्टार नगरपालिका वडा नं. ५ हवाइग्राउण्डमा लुगाधुने सावुन उत्पादन सुरु भएको हो ।
कोपिला सोप एण्ड इण्डस्ट्रिजले ‘पालुङटार’ नामको सावुन उत्पादन गर्न सुरु गरेको इण्डस्ट्रिजकी प्रोपाइटर कोपिला थापाले जानकारी दिइन् ।
‘एकहप्तादेखि परीक्षण उत्पादन सुरु भएको छ’, उनले भनिन्, ‘यसलाई बजारमा पु¥याएका छैनौँ । एकदिन औपचारिक समारोह गरी उद्घाटन गरेर बजारमा ल्याउनेछौँ ।’ एकल लगानीमा साबुन उद्योग सञ्चालन गरेको उनले बताइन् ।
कोभिड १९ का कारण रोजगारी गुमाएर स्वदेश फर्किएका उनका पति रोलबहादुर थापालाई फेरि वैदेशिक रोजगारीमा जानु नपरोस् भन्नाका लागि स्वदेशमै उद्योग सञ्चालन गर्ने हिम्मत गरेको उनले बताइन् । ‘मेरो श्रीमान एकबर्षअघिसम्म कतारमा हुनुहुन्थ्यो ।

कोभिडका कारण रोजगारी गुमाएर एकर्षअघि घर फर्किनु भयो । अनि अहिले फेरि यूरोपतिर जानका लागि प्रक्रिया सुरु गर्नुभएको थियो तर मैले स्वदेशमै व्यवसाय सञ्चालन गरौँ भनेर उद्योग स्थापना गरेको हो’, उनले भनिन् ।
करिब ३० लाख लगानीमा उद्योग सञ्चालन गरिएको कोपिलाका पति रोलबहादुर थापाले बताए । ‘हामीले स्वदेशमै उद्योग सञ्चालन गरेर स्वरोजगार गर्ने र करिब एकसय जनाका लागि रोजगारी सिर्जना गर्ने प्रस्ताब पेश गरेपछि मिलिजुली सहकारी संस्थाले १५ लाख रुपैयाँ कर्जा स्वीकृति ग¥यो’, उनले भने, ‘हामीले जुटाएको र सहकारी संस्थाको कर्जा मिलाएर उद्योग सञ्चालन गरेका हौँ ।’ यूट्यूबबाट प्रविधिबारे जानकारी लिएर उद्योग सञ्चालनको तयारी गरिएको उनले बताए ।
‘अनलाइनबाटै साबुन उद्योगहरुसँग सम्पर्क भयो ।

त्यहीँबाट धेरै जानकारी लिएँ अनि कच्चापदार्थ जुटाएर उद्योग सञ्चालन गरेका हौँ’, उनले भने, ‘अब स्वदेशमै उद्योग सञ्चालन गर्न पाएपछि विदेश जाने चक्कर छाडेँ ।’ यूरोप जानका लागि विभिन्न इन्स्टिच्यूट तथा बिचौलियाहरुसंग सम्पर्क गर्दागर्दै करिब १० लाख रुपैयाँ गुमिसकेको उनले बताए ।
दैनिक १० घण्टा उद्योग सञ्चालन गर्ने र दैनिक पाँचहजारको संख्यामा साबुन उत्पादन गर्ने लक्ष्यका साथ काम अघि बढाइरहेको उनले बताए । सो साबुन सुरुमा गोरखा, तनहूँ, लम्जुङ र मनाङका बजारहरुमा पु¥याउने लक्ष्य कम्पनीले लिएको छ । पछि बिस्तारै अन्य जिल्लाहरुमा पनि बजार बिस्तार गर्ने लक्ष्य राखिएको उनले बताए ।

Leave a Reply

Your email address will not be published. Required fields are marked *

Back to top button
Close
Close

Adblock Detected

Please consider supporting us by disabling your ad blocker