तनहुँकाे याम्पाफाँटमा रहेकाे याम्पा बचत तथा ऋण सहकारी संस्थाकाे १२ औं साधारण सभा तथा ५ औं अधिवेशन सम्पन्न

तनहुँकाे याम्पाफाँटमा रहेकाे याम्पा बचत तथा ऋण सहकारी संस्थाकाे १२ औं साधारण सभा तथा ५ औं अधिवेशन सम्पन्न भएकाे छ ।
सहकारीका अध्यक्ष ऋषिराम भट्टराईकाे अध्यक्षतामा भएकाे कार्यक्रममा उपाध्यक्ष बिमला पन्थले स्वागत मन्तब्य ब्यक्त गर्नु भएकाे थियाे । कार्यक्रमका विशिष्ट अतिथि बन्दिपुर ५ का वडा अध्यक्ष ध्रुब प्रसाद लामिछानेले सहकारीकाे निति तथा सहकारीको महत्त्व बारे बाेल्नु भएकाे थियाे । कार्यक्रममा सहकारीका संस्थापक अध्यक्ष बिमल प्रसाद भट्टराई , विष्णुप्रसाद घिमिरे, भानुभक्त भट्टराई , तिर्थामाया पन्त लगाएतले शुभकामना मन्तब्य ब्यक्त गर्नु भएकाे थियाे । उक्त अवशरमा सहकारीका ब्यवस्थापक महेश्वर न्याैपानेले गत आर्थिक वर्ष २०७६/०७७ काे आय ब्याय प्रतिवेदन पेश गर्दै सहकारीको शेयर पुँजी १ कराेड ७१ लाख , कर्जा लगानी ३ कराेड ५९ लाख २४ हजार ९ सय २१ रुपैंया, बचत निक्षेप १ कराेड५६ लाख ८६ हजार ६६५ रुपैंया रहेकाे जानकारी दिनुभयाे ।
साधारण सभाले भानुभक्त भट्टराईकाे अध्यक्षतामा ७ सदस्यीय कार्यसमिति निर्विरोध चयन गरेकाे छ । उपाध्यक्षमा ईन्दिरा भट्टराई, सचिवमा गणेश तिवारी, काेषाध्यक्षमा बरुण भट्टराई, सदस्यहरुमा डिपि अधिकारी, भरत लामिछाने र शर्मिला मिश्रलाई चयन गरेकाे हाे । त्यसै गरि लेखा समितिकाे संयाेजकमा तिर्था भट्टराई, सदस्यमा रामचन्द्र पंडित र नारायणदत्त तिवारी रहनु भएकाे छ भने ऋण समितिकाे संयाेजकमा विश्वनाथ भट्टराई, सदस्यहरुमा कृष्णप्रसाद पुडासैनी र बद्री शर्मा भट्टराई चयन हुनुभएकाे छ ।
कार्यक्रममा असल ऋणी ५ जना र असल बचत कर्ता ११ जनालाई सम्मान गरिएकाे थियाे । २०६६ सालमा स्थापना भएकाे सहकारीमा दैनिक बचत, मासिक बचत, मुद्दती बचत र साधारण बचत गर्न सकिने र सहकारीले धिताे कर्जा, दैनिक कर्जा, मासिक कर्जा र आकस्मिक कर्जा उपलब्ध गराउँदै आएकाे छ भने सहकारीले बिद्युत बिल भुक्तानी, रेमिट्यान्स , माेबाईल बैंकिङ, माेटरसाईकल ईन्सुरेन्स र फाेन रिचार्ज सेवा उपलब्ध गराउँदै आएकाे छ ।