गोरखाको पालुङटार नगरपालिका–४ घिमिरेथोकमा आइतबार राती जंगलमा एक व्यक्ति प्रहरीको अगाडी बन्दुक फालेर भागेका छन् । घिमिरेथोकको सामुदायिक बनमा बन्दुक फालेर भाग्नेको खोजी भई रहेको जिल्ला प्रहरी कार्यालय गोरखाले जनाए ।
आइतबार राती १०स्३० बजे ईलाका प्रहरी कार्यालय ठाँटीपोखरीको गस्ती टोलीलाई देख्ना साथै बर्षाले सामुदायिक बनमा बन्दुक फालेर भागेका ब्यत्तिको पहिचान र खोजीभई रहेको जिल्ला प्रहरी कार्यालय गोरखाका प्रहरी उपरिक्षक सुरेन्द्रबहादुर गुरुङले जानकारी दिए । ‘हाम्रो गस्ती टोलीलाई देख्नासाथै भरुवा बन्दुक फालेर भाग्यो । को मानिस हो र कहाँको हो पहिचान हुन नसकेको’ प्रहरी उपरिक्षक गुरुङले भने ।
रातीको समयमा जंगल बिचमा त्यसरी बन्दुक बोकेर हिड्ने मानिस चोरी सिकारीको लागि भएको हुन सक्ने अनुमान ईलाका प्रहरी कार्यालय ठाँटीपोखरीले गरेको छ । फालिएको बन्दुक मुचुल्का तयार पारेर प्रहरीको नियन्त्रणमा राखिएको छ । फरार ब्यक्तिको बारेमा जानकारी दिन समेत प्रहरीले सर्व साधारणलाई अनुरोध गरेको छ । दराैंदी
