Trending

४८ वर्षपछी जबरजस्ती करणी मुद्दाका फरार प्रतिवादी सहित १० जना पक्राउ

तनहुँ । जिल्ला प्रहरी कार्यालय तनहुँले ४८ वर्षपछी जबरजस्ती करणी मुद्दाका फरार प्रतिवादी सहित १० जना पक्राउ गरेको छ । पक्राउ पर्नेमा जिल्लाको साबिक ढोरफिर्दी-१ का प्रतिवादी केशे दमै भन्ने बुधे दमै रहेको प्रहरी जनाएको छ ।

घरबाट पक्राउ गरी तनहुँ जिल्ला अदालत बुझाईएकोमा थुनामा गएको जिल्ला प्रहरी कार्यालय तनहुँका प्रहरी निरीक्षक शिवराज क्षेत्रीले जानकारी दिए ।

दमै जबरजस्ती करणी मुद्दामा २०२९ पुष २३ गते तनहुँ जिल्ला अदालतको फैसलाले ६ वर्ष कैद सजाय भई फरार रहेका थिए ।

त्यसैगरी सवारि ज्यान मुद्दामा जरिवाना रहेका २ जना, चोरि मुद्दाका ४ जना, लिखत बेइज्जती मुद्दामा १ जना, जालसाची मुद्दामा २ जना समेत पक्राउ परेको जिल्ला प्रहरी कार्यालय तनहुँले जनाएको छ ।

तनहुँ प्रहरीले पछिल्लो समय विभिन्न अपराध एवं मुद्दाहरुमा संलग्न रही फरार रहेका तथा सम्मानित अदालतबाट फैसला भई दण्ड, जरिवाना, दसौदी, कोर्ट फि र सरकारी बिगो समेत तिर्न बाँकी भएका व्यक्तीहरुको खोजी गर्ने कार्य तिब्रता दिदै आएको छ ।

गण्डकन्युजबाट

 

Back to top button