रविन्द्र कंडेल
असार २७, गोरखा
गोरखाको सिरानचोक गाउँपालिका वडा नं. १ स्थित तल्लो भिरसिङका ७० घरपरिवारमा यतिबेला खानेपानीको चरम समस्या हुन पुगेको छ ।
२०३९ र २०४१ सालमा गरी कदौरी प्रोजेक्ट मार्फत निर्माण गरी खानेपानी समस्या समाधान गरिँदै आएकोमा हाल आएर यसै बर्षको फागुन महिनादेखि सडक खन्ने क्रममा पाइपहरु काटिएको र धेरै ठाउँमा जोडनुपर्ने भएकाले समस्या भएको खानेपानी आयोजनाका अध्यक्ष मुक्ति गुरुङले जानकारी दिनुभयो । उहाँका अनुसार उपभोक्ताहरुले सडक निर्माण शुरु हुनु अगावै वडा कार्यालय, गाउँपालिका कार्यालय र सम्बन्धित निकायमा समेत पाइप जोगाइदिन अनुरोध गर्दासमेत कसैले ध्यान नदिँदा यस्तो समस्या आएको गुरुङको भनाइ रहेको छ ।
बाटो खन्ने क्रममा पाइपहरु काटिए पाइप दिने सहमति समेत बाटो निर्माण कम्पनी राधाकृष्ण कन्स्टक्सन ले गरे पनि पछि बेवास्ता गरेको र सम्पर्कमा समेत नआएको उहाँको भनाइ रहेको छ ।
वडा नं. १ का वडाध्यक्ष का अनुुसार सो स्थानमा बाटो खन्ने क्रममा समेत केही बिबाद भएको र पाइप दिने सहमति भएकाले सडक डिभिजनले पाइप उपलब्ध गराउनुपर्ने हो । तर उनीहरु सम्पर्कमा नआएपनि आफूले वडाबाट सिफारिस बनाई गाउँपालिकाबाट भने पनि सो आयोजना तुरुन्त मरमत गर्न तयार रहेको बताउनुभएको छ ।
त्यस्तै गरी गाउँपालिका अध्यक्ष राजु गुरुङले पनि समितिले वडाको सिफारिस लिई आएमा तत्काल समस्या समाधान गर्न तयार रहेको बताउनुभएको छ । आफुसँग केही समय अघि जानकारी आएको भएतापनि कोही पनि पालिकामा पाइप माग गर्न नआएको बताउनुभएको छ ।
उक्त क्षेत्रमा हाल प्रयोग गरिरहेको पिउनेपानी राम्रो नभएकाले आगामी बर्षको लागि अर्को योजना समेत थप गरेको पनि अध्यक्ष गुरुङले जानकारी दिनुभएको छ ।
![](https://gorkhasansar.com/wp-content/uploads/2024/07/Screenshot_2024-07-27-10-58-02-983-edit_com.android.chrome-263x300.jpg)
![गोर्खा संसार](https://gorkhasansar.com/wp-content/uploads/2024/03/images-150x150.jpg)
सौर्यको विमानमा मृत्यु भएकाहरूको सब परिवारलाई बुझाउन थालियो
काठमाडौँको त्रिभुवन अन्तर्राष्ट्रिय विमानस्थलबाट पोखरा उड्न लाग्दा दुर्घटनामा परी मृत्यु भएका १८ जना मध्ये १२ जनाको सब परिवारलाई हस्तान्तरण गरिसकिएको बताइएको छ। मृतक सबैको पोस्टमार्टम