अमरराज नहर्की
तनहुँ, वैशाख १३ गते ।
केहि दिनयता देखि परेको अविरल वर्षाले बाढी र पहिरो जाँदा तनहुँको व्यास नगरपालिकाको वडा नम्बर १ र ३ स्थित दुई दर्जन वढी घरहरु क्षती पुगेको छ । वडा नम्बर १ को लिचिघारीमा एक दर्जन घर पहिरोले सङ्कटमा परेको हो ।
पहिरोले कृष्णप्रसाद पौडेलको पूर्ण रुपले भत्काएको छ भने सुन्दरी नागिला, पदमबहादुर विक, पदमबहादुर विक, सुनिता ज्ञावली, उत्तम पुलामीको घर सङ्कटमा पारेको छ । यसैगरी अनिता रुचाल, पुजा रुचाल, मनोज धमेल, सुर्य मग्राती, काजी बस्नेत, गीता पौडेल लगायतको घरमा पनि नोक्सान पु¥याएको स्थानीय हरिराम पौडेलले जानकारी दिनुभयो । बस्तीमा नालीको व्यवस्थापन नहुँदा धेरै घरमा क्षती पुगेको उहाँले जानकारी दिनुभयो । पानी घर÷घरै बुल्दी खोला भैं शुक्रबार राती परेको अविरल वर्षाले नोक्सान पु¥याएको र मुचुल्का उठाएर क्षतीको विवरण सङ्कलन भईरहेको जिल्ला प्रहरी कार्यालय तनहुँका प्रहरी उपरीक्षक (एसपी) विनोद सिलवालले जानकारी दिनुभयो । पहिराले बन्दै गरेको धुब्र बस्नेतको घरमा पनि क्षेती पु¥याएको प्रहरीले जनाएको छ । वस्ती नजिकै प्लटिङ गरिएको र प्लटिङबाट बगेर आएको बाढीले आफ्नो घर भत्काएको सुमिता पौडेलले जानकारी दिनुभयो । पहिरो पडीत बासिन्दाले जथाभावी प्लटिङ गर्ने कार्य रोक्नु पर्ने र स्थानीय सरकारले तत्कालै समाधानको लागि पहल गर्नु पर्ने माग राखेका छन् यसैगरी पहिरोकाले व्यास नगरपालिकाको वडा नम्बर ३ दुर्गा मन्दिर लाईनका पनि क्षेती पुगेको छ । बस्तीमुनी गएको पहिराले एक दर्जन वढी घरहरु सङ्कटमा परेको वडा नं.३ का वडा अध्यक्ष प्रेम कुमार श्रेष्ठले जानकारी दिनुभयो । प्रेमकुमार श्रेष्ठ, रविचन्द्र वाग्ले, चुडामणि दाहाल, इन्द्रकुमार श्रेष्ठ, लक्ष्मण श्रेष्ठ, त्रिभुवन श्रेष्ठ, नन्द लाल शर्मा लगायतकाको घर खतरामा परेको जानकारी उहाँले दिनुभयो ।
जिल्ला प्रहरी कार्यालय नजिकैको पछाडी पट्टी पर्ने ति घरहरुको भतेरी साइड पट्टी ५० मिटर लामो पहिरो आएपछि ति घरहरु सङ्कटमा परेका हुन् । मूल पलाउने र माटो वग्ने गरिरहेकाले पक्की घर नै वगाउने होकी भन्ने चिन्ताले टोलवासीहरु आत्तिएको वडाध्यक्ष श्रेष्ठ बताउनुहुन्छ । सृजना टोल विकास संस्था र वडा नं.३ को पहलमा रेडव्रmस र व्यास नगरपालिकामा त्रिपाल र पाइप मागी माथीवाट झरेको पानी रोक्ने र माटो वग्न नदिने प्रयास भइरहेको सृजना टोल विकास संस्थाका अध्यक्ष पुष्प श्रेष्ठले जानकारी दिनुभयो । गत वर्ष पनि सोही ठाउँमा पहिरो जादा ति घरहरु खतरामा रहदै आएका थिए । केही घरको पछाडी ग्यावियन जाली लगाउने काम भए पनि कती घरहरुको पछाडी काम नहुदा अहिले पहिरो खसेको हो ।
चट्याङ्गबाट एफएममा क्षती यसबीच शुक्रबार साँझ परेको चट्टाङ्गले गर्दा तनहुँमा सञ्चालित रेडियो बन्दीपुरलाई क्षेती पु¥याएको छ । बन्दीपुर गाउँपलिका–४ बन्दीपुर स्थित रेडियोको टावरमा चट्याङ्गले गर्दा टान्समिटर, युपिएस, व्याट्री लगायतमा क्षेती पु¥याउँदा झण्डै १५ लाख रुपैयाँको नोक्सान भएको रेडियोका प्रबन्ध निर्देशक विजयकुमार कार्कीले जानकारी दिनुभयो ।
