Trending

चिनियाँ प्रयोगशालामा यसरी बनेको रहेछ कोरोना भाइरस

एजेन्सी। संसारभरिका वैज्ञानिकहरूमाझ बहस उठ्ने गरी फ्रान्सका सरुवा रोग विशेषज्ञ तथा चिकित्साशास्त्रका तर्फबाट नोबेल पुरस्कार विजेता वैज्ञानिक लुक मोंतानिएले कोरोनाभाइरस महाव्याधि प्रयोगशालामा बनाइएको दाबी गरेका छन् ।

चिनियाँ प्रयोगशालामा एड्स भाइरसको खोप बनाउने क्रममा सार्स–कोभ–२ भाइरस बन्न पुगेको उनले बताए ।

फ्रान्सको एउटा मेडिकल पोडकास्टमा कुरा गर्दै सन् २००८ का नोबेल पुरस्कार विजेता मोंतानिएले कोरोनाभाइरसको जिनोममा एचआईभीका तत्त्व र मलेरियाको कीटाणु पाइएकाले यो प्राकृतिक रूपमा आयो भन्ने विषयमा शंका उत्पन्न गराएको छ भने ।

कोरोनाभाइरसहरूको विशेषज्ञता हासिल गरेको वुहान नेसनल बायोसेफ्टी ल्याबोरेटोरीमा औद्योगिक दुर्घटना भएको र भाइरस त्यहाँबाट बाहिर आएको मोंतानिएले बताए ।

अमेरिकाले चीनको प्रयोगशालाबाट भाइरस बाहिर आएको हुन सक्ने विषयमा अनुसन्धान शुरू गरिरहेको बेलामा मोंतानिएको भनाइ सार्वजनिक भएको हो । अमेरिकाका राष्ट्रपति डोनल्ड ट्रम्पले केही दिनअघि भनेका थिए, ‘हामीहरू यो कथा आजकल बाक्लै सुनिरहेका छौं र अमेरिकाले यस विषयमा व्यापक अनुसन्धान गरिरहेको छ ।’

तर मोंतानिए विवादास्पद छवि भएका मानिस हुन् र उनले प्रकाशन गरेका दुईवटा अध्ययन निष्कर्षलाई वैज्ञानिक समुदायले आलोचना गरेको थियो । उनले डीएनएबाट निस्कने विद्युत्–चुम्बकीय तरंग र एड्स वा पार्किन्सन्समा मेवाले गर्ने फाइदा विषयमा अध्ययन गरेका थिए ।

द टाइम्स अफ इन्डियाबाट

Back to top button
Skip Add
Close

Adblock Detected

Please consider supporting us by disabling your ad blocker