Trending

हावाहुरीका कारण पालुङ्टार ७ को च्याङ्लीमा फलफूल खेतीको क्षतिको बिवरण संकलन गरिँदै

रविन्द्र कंडेल
गोरखा संसार
बैशाख ८, गोरखा

गोरखा जिल्लाको पालुङ्टार नगरपालिका वडा नं. ७ च्याङ्ली मा बैशाख ५ गते साँझको बर्षा र हुरीबतासका कारण फलफूल खेतीमा भएको क्षतिको बिवरण संकलन गर्ने कार्य भइरहेको छ । हावाहुरीका कारण अधिक क्षति भएका कारण ६ गते हरेक घर घरमा पुगेर नगरप्रमुख दिपक बाबु कंडेल र वडाध्यक्ष बसन्त कुमार श्रेष्ठ सहित को टोलीले घरको क्षतिको बिवरण संकलन गरेका थियो । त्यस्तै ७ गतेदेखि नगरपालिकाकी उप प्रमुख पम्फा बसेल र वडाध्यक्ष श्रेष्ठ सहित कृषि कार्यालयका प्रतिनिधी सहित इलाका प्रहरी कार्यालय ठाँटीपोखरी र अस्थायी प्रहरी पोष्ट बिरुवाटारका प्रतिनिधीहरुको टोलीले फलफूल खेतीमा भएको क्षतिको बिवरण संकलन भइरहको छ ।
७ र ८ गते सम्ममा ६० भन्दा बढी किसानको घरमा पुगेर उनीहरुको खेतीमा भएको क्षतिको बिवरण संकलन गरिएको र अझै बाँकी रहेकाहरुको निरन्तर रुपमा लागिरहेको नगर उप प्रमुख बसेलले बताउनुभयो । क्षतिको एकिन बिवरण नआइसकेको भए पनि करीब करोडौंको क्षति भएको हुनसक्ने अनुमान गरिएको छ । नगरपलिकाको वडा नं. ७ र ८ मा अधिक मात्रामा लिची र केराको खेती गरिएको छ भने गत बर्षदेखि यस क्षेत्रलाई लिची ब्लक एरिया बनाउन किसानहरु तथा नगरपालिका लागिपरेको छ । यस क्षेत्रबाट हरेक बर्ष करोडौंको लिची बाहिरिने गरेको छ । त्यस्तै गरी केरा खेती पनि उत्तिकै मात्रामा रहेको छ । हावाहुरी का कारण अधिकाँश केराका बोटहरु भाँचिएका छन भने लिचीका हाँगाहरु भाँचिनुका साथै बोट उखेलिएका छन् ।

बिवरण संकलनका लागि वडासदस्यहरू पनि किसानकाे बारी तथा घरदैलाेमा पुगेका छन भने प्रहरी प्रशानसनले पनि सहजीकरण गरिरहेका छन् ।

Back to top button