कोरोना नियन्त्रणका लागि किटनाशक छर्कंदैं स्थानीय निकायहरु

गोरखा संसार
चैत्र २१, गोरखा
विश्वमा आतंकको रुपमा फैलिरहेको कोरोनाको को संक्रमण नियन्त्रणको लागि लकडाउनको समयमा स्थानीय निकायहरुले किटनाशक औषधी छर्किन शुरु गरेका छन् । यस्तै क्रममा पालुङ्टार नगरपालिकामा पनि वडा वडामा किटनाशक औषधी छर्किन शुरु गरिएको छ । नगरपालिकाले सवै वडाहरुलाई किटनाशक (क्लोरिन झोल) वितरण गरिएको र आवश्यता भएमा अरु थप गरी वितरण गरिने नगरप्रमुख दिपक बाबु कंडेलले बताउनुभयो । त्यस्तै नगरपालिकासँगको समन्वयमा लगभग सवै वडाहरुमा किटनाशक छर्किएको वडाध्यक्षहरुले बताएका छन् ।
वडा नं. ७ मा का विभिन्न स्थानहरुमा आज विहानैदेखि किटनाशक छकिइएको छ । वडा कार्यालयसंगको समन्वयमा र कोरोना नियन्त्रण समन्वय समितिको सक्रियतामा बिरुवाटार क्षेत्रमा आज किटनाशक छर्किएको छ ।
त्यस्तै गरी वडाका सवै टोलहरुमा पुगी छर्किने योजना रहेको वडाध्यक्ष वसन्त कुमार श्रेष्ठले बताउनुभएको छ । यस वाहेक वडाभित्रका सवै नागरिकहरुलाई सचेत गराउने उदेश्यका साथ माइकिङ समेत गरिएको छ । त्यस्तै लकडाउनका कारण अप्ठ्यारोमा परेकाहरुको विवरण संकलन गर्ने कार्य पनि वडामा भइरहेको कोरोना नियन्त्रण समन्वय समितिका सदस्य एवं च्याङ्ली स्वास्थ्य चौकीका इन्चार्ज भरतराज पाण्डेले बताउनुभयो ।

 

 

Back to top button