पाैष १७
गाेर्खाकाे पालुङटार नगरपालिकाकाे सार्वजनिक सुनुवाइ कार्यक्रम आईतबार धुँवाकाेटमा सम्पन्न भएकाे छ । नगरपालिकाकाे वडा नं ७, ८ र ९ लाई लक्षित गरि सार्वजनिक सुनुवाइ कार्यक्रमकाे आयोजना गरिएको नगरपालिका प्रमुख विवश चिन्तनले जानकारी दिनुभयाे ।
वडा नं ८ का वडाध्यक्ष हाेप बहादुर नेपालीकाे अध्यक्षतामा भएकाे कार्यक्रममा नगरपालिकाका मेयर विवश चिन्तनकाे प्रमुख आतिथ्यतामा सम्पन्न उक्त कार्यक्रममा उप-प्रमुख बन्दना पाण्डे , प्रमुख प्रशासकीय अधिकृत गाैतम भण्डारी , वडा नं. ९ का वडाअध्यक्ष भेजराज पाण्डे, नेपाली काँग्रेस पालुङटार नगर सभापति बिमल ढकाल , एमाले जिल्ला कमिटि सदस्य अमृत काराखेती , माओबादी केन्द्रका नगर अध्यक्ष सुमन आचार्य लगाएतले बिकासका लागि सबै एकजुट हुनु पर्नेमा जाेड दिनु भएकाे थियो ।
चालू आव २०७९/०८० को प्रथम चौमासिक प्रगति समीक्षा, हालसम्म भए गरेका काम कारवाहीहरू, समस्याहरू, भावि योजनाहरूका बारेमा जानकारी गराउने र सेवा प्रवाहको गुणस्तर र यसको प्रभावकारिता, जनताको सन्तुष्टि तथा आगामी दिनमा गर्नुपर्ने सुधारका सम्बन्धमा सरोकारवालाहरूको सुझाव लिने उद्देश्यले सार्वजनिक सुनुवाई कार्यक्रमको आयोजना गरिएको हो ।
कार्यक्रममा स्थानीयले च्याङ्ली क्षेत्रलाई लिची पकेट क्षेत्रकाे रुपमा विकास गरि जुश प्रशाेधन केन्द्र बनाउनु पर्ने, पशु र कृषि शाखाले कृषककाे समस्या बुझी सहयाेग गर्नुु पर्ने , नगरपालिकामा प्रदेश स्तरीय अस्पताल बनाउनु पर्ने, स्वास्थ क्षेत्रकाे दरबन्दी तत्काल पूर्ति गर्नु पर्ने, एक विद्यालय एक नर्स कार्यक्रम लागू गर्न पर्ने, स्वस्थ्य ईकाइहरुमा ओैषधीकाे अभाव हुन नहुने, सवै वडाहरुमा तत्काल सचिवकाे ब्यवस्था गरिनु पर्ने, विद्युतका समस्या , भूमिहिनलाई लाल वितरणमा ढिलाइ भएकाे, ठेकेदारले याेजनाकाे काममा ढिलासुस्ती गरेकाे गुनासाे गरेका छन् । त्यसैगरी धुवाँकाेटमा प्रहरी चाैकीकाे स्थापना गरिनु पर्ने, सुरक्षा गस्ती बढाउनु पर्ने, खेलकूद गतिविधि बढाउनु पर्ने, नगर बस संचालन गर्नु पर्ने, जेष्ठ नागरिक र अपांगता परिचय पत्रकाे आधारमा यातायातमा भाडा नियम अनुसार छुट गरणन सहजिकरण गरिदिनु पर्ने, महिला समूहकाे भवन बनाउन बजेटकाे ब्यवस्था गरिनु पर्ने, सिद्धबाबाकाे धार्मिक स्थललाई विकास गरिनु पर्ने, एक वडा एक पानी पाेखरी, चाैतारी निर्माणमा जाेड दिनु पर्ने, समग्र पालिकालाई नमुना पालिकाकाे रुपमा विकास गर्नु पर्ने सहभागीले सुझाव दिएका छन् ।
नपाका मेयर विवश चिन्तनले कृषकलाई उत्पादनमा आधारित अनुदान कार्यक्रम लागू गरिने, वडालाई विभिन्न पकेट क्षेत्रकाे रुपमा विकास गरिने, पालिकालाई दूध र मासुमा आत्मनिर्भर बनाउन कार्यक्रम संचालन गरिने, पालिका भित्रका मुख्य सडकहरुकाे ५ वर्ष भित्र स्तर उन्नति गरिने, जनताकाे समस्या समाधनमा नगरपालिका सधैं लागि पर्ने भन्दै प्रधानमन्त्री प्रचण्डकाे निर्वाचन क्षेत्र र उप-प्रधानमन्त्री नारायणकाजी श्रेष्ठको जिल्ला भएकाले पनि समृद्ध पालुङटार नगरपालिका निर्माण गर्न र समग्र पालिकालाई नमुनाकाे रुपमा विकास गर्न सहज हुने बताउँदै नगरबासीकाे साथ र सहयाेग अपरिहार्य रहेकाे बताउनु भयाे ।
