गोरखाकी पुर्णिमा श्रेष्ठले विश्वको दशौँ अग्लो अन्नपूर्ण १ हिमालको सफल आरोहण गरेकी छन् । शुक्रबार १२ बजे श्रेष्ठले ८,०९१ मिटर अग्लो अन्नपूर्ण हिमालको सफल आरोहण गरेकी सेभेन सम्मिट ट्रेक्स प्रालिका थानेश्वर गुरागाईँले जानकारी दिए ।
उनीसँगै शुक्रबार १२ बजेदेखि तीनबजेको समयअवधिमा अन्य चार जना महिलाले पनि अन्नपूर्ण हिमाल आरोहण गरेका छन् । अन्य चार महिलाले इम्याजिन नेपाल र सातोरी एड्भेञ्चर नेपाल कम्पनीबाट सो हिमालको सफल आरोहण गरेका हुन् ।
शुक्रबार एकै समयमा तीन वटा कम्पनीका ६९ जनाले अन्नपूर्ण हिमालको सफल आरोहण गरेका गुरागाईँले जानकारी दिए ।
अन्नपूर्ण हिमाल आरोहण गर्ने श्रेष्ठ प्रथम नेपाली महिला हुन् । किलर माउण्टेन भनेर चिनिने सो हिमालको यसअघि नेपाली महिलाहरुले आरोहण गरेका थिएनन् । उनीसहित अन्य चार महिलाले पनि शुक्रबार संगसँगै सो हिमाल आरोहण गरेका छन् ।
आरुघाट गाउँपालिका ९ की श्रेष्ठले यसअघि ८,८४८.८६ मिटर अग्लो सगरमाथा, ८,१६३ मिटर अग्लो मनास्लु र ६,८१२ मिटर अग्लो अमादव्लम हिमालको आरोहण गरिसकेकी छिन्
।
नेपाली महिलाको तर्फबाट पहिलो पटक अन्नपूर्ण आरोहण गर्न लागेकीले गण्डकी प्रदेश सरकारले उनको यात्राको व्यवस्थापन खर्च वापत आठलाख रुपैयाँ सहयोग प्रदान गरेको थियो । daraudi.com
