प्रहरीको आफनै भवन नहुँदा चिसो ठाउँमा कहिले पालमुनि समेत बस्नुपरेको थियो । हाल प्रहरी चौकी भवन सम्पन्न भइसकेको तर शौचालय भने निर्माण गर्न बाँकी रहेको उनले बताए । दुरदराजमा चौकीको नयाँ भवन बनेसँगै प्रहरीलाई नयाँ उर्जा र उमंगका साथ काम गर्न सजिलो हुने उनले बताए । नयाँ भवनमा बसेर काम गर्दा प्रहरीको मनोबल र आत्माबल पनि उच्च हुने र काम कारबाहीमा प्रभावकारी हुने उनले जानकारी दिए ।
यस अघिको भवन जीर्ण रहेको र काम गर्न पनि समस्या भएको बताउदै नयाँ भवन बनेसँगै प्रहरी र जनताको शान्ति सुरक्षा गर्न धेरै सहज भएको पालिका अध्यक्ष निमा लामाले बताए । योसँगै पालिकाको नामरुङ र जगत प्रहरीको आफनौ भवन भएका छन् ।
अव पालिकाको फिलिम, छेकम्पार र सामागाउँमा प्रहरी चौकीको भवन बनाउन बाँकी रहेको उनले बताए । यसका लागि जग्गा व्यवस्थापन गर्नुपर्ने भएकाले त्यसका लागि जग्गाको खोजी भइरहेको उनले बताए । त्यस्तै, विहि र चुम्चेत पनि प्रहरी चौकी निर्माणका लागि पालिकाले पहल गरिरहेको उनले बताए ।
पालिकाका अध्यक्ष लामाको अध्यक्षता तथा प्रमुख जिल्ला अधिकारी आचार्यको प्रमुख आतिथ्यतामा भएको कार्यक्रममा एसपी केदार खनाल, इलाका प्रहरी कार्यालय आरुघाटका प्रहरी निरिक्षक रामजी देवकोटालगायत स्थानीय जनप्रतिनिधिहरुको सहभागिता रहेको थियो ।
