अविरल वर्षासँगै मुग्लिन–नारायणगढ सडकखण्डको सेतिदोभानमा पहिरो झर्दा सडक अवरुद्ध

मुग्लिन, १० भदौ । अविरल परेको वर्षासँगै मुग्लिन–नारायणगढ सडकखण्डको सेतिदोभानमा पहिरो झर्दा सडक अवरुद्ध भएको छ। भरतपुर महानगरपालिका २९ मा पर्ने सेतिदोभानमा अहिले साँझ साढे ८ बजेतिर पहिरो झर्दा मुग्लिन–नारायणगढ सडकखण्ड अवरुद्ध भएको हो।

पहिरोले सडक अवरुद्ध भएपछि उक्त सडकखण्ड भएर चल्ने सवारी साधनहरुलाई मुग्लिन बजार र रामनगरमा रोक्न सुरु गरिएको इलाका प्रहरी कार्यालय मुग्लिनका प्रमुख प्रहरी निरिक्षक सुर्य मगरले जानकारी दिए। अहिले पनि मुग्लिन–नारायणगढ सडकखण्डमा भिषण पानी परिरहेकोले सो क्षेत्र भएर आवतजावत गर्ने यात्रु र सवारी साधनहरुलाई वैकल्पिक सडक प्रयोग गर्न उनले आग्रह गरेका छन्।