गोरखा ।
शहिद सप्ताहको अबसरमा नेपाल कम्युनिष्ट पार्टी (नेकपा) गोरखाले जनयुद्धका क्रममा शहादत प्राप्त गरेका शहिदका परिवार र बेपत्ता परिवारलाई शुक्रबार सम्मान गरेको छ । नेकपा प्रचण्ड नेपाल समुहले पार्टी कार्यालय पाटेचौरमा एक कार्यक्रमको आयोजना गरि जनयुद्धका क्रममा शहादत प्राप्त गरेका शहिद तथा बेपत्ता परिवारलाई सम्मान गरिएको जनाएको छ ।
हिजोदेखि सुरु भएको शहिद सप्ताहको अबसरमा नेकपा गोरखाले जिल्ला भित्र बिभिन्न कार्यक्रम गर्दै आएको छ । सम्मान कार्यक्रममा बोल्नु हुदै पार्टीका केन्द्रीय सदस्य एवम गण्डकी प्रदेश कमिटिका अध्यक्ष हितराज पाण्डेले जनयुद्धको बलिदानीले नेपालमा संघिय लोकतान्त्रिक गणतन्त्र, धर्म निरपेक्षता र संघियता जस्ता उपलब्धी प्राप्त गरेको बताउनुभयो ।
उहाँले शहिदको त्याग तपस्या बलिदान भुल्न नहुने भन्दै प्राप्त उपलब्धीको रक्षा गर्नुपर्ने बर्तमान सरकारले उल्टै बिभिन्न बाहाना उपलब्धीलाई खोस्ने जर्मको गरेको बताउनुभयो । अध्यक्ष पाण्डेले नेपालको आमूल राजनीतिक परिवर्तन जनयुद्ध र त्यसको जगबाट मात्र सम्भव भएको भन्दै शहिदका सपना पुरा गर्न सधै प्रतिबद्ध भएर अघि बढ्ने बताउनुभयो ।
कार्यक्रमलाई सम्बोधन गर्नुहुदै नेकपाका केन्द्रीय सदस्य एवंम पुनस्थापित प्रतिनिधिसभा गोरखा क्षेत्र नम्बर १ का सांसद हरिराज अधिकारीले जनयुद्धले ल्याएको उपलब्धीहरु संबिधान मार्फत कार्यान्व्यनका चरणमा रहेकाले कसैले खोसेर नखोसिने बताउनुभयो । देशमा भएका सवैखालका परिवर्तनहरु जनयुद्ध र त्यसपछि बिभिन्न आन्दोलनबाट सम्भव भएकाले नेपालको जनयुद्ध बिश्व कम्युनिष्ट आन्दोलनमा परिवर्तनको नमुना बनेको बताउनुभयो ।
नेकपा गण्डकी प्रदेश कमिटीकी अध्यक्ष भगबती तिवारीको अध्यक्षतामा सम्पन्न भएको हो । कार्यक्रममा नेकपाकी नेतृ सानुमाया बस्नेत, नेता जुद्धबिलास भण्डारी लगाएतले पनि सम्बोधन गर्नुभएको थियो ।
