दमौलीको अत्याधुनिक ल्याब बीडीएलले दशैं तथा तिहारको अवसरमा आफ्ना सेवामा २० प्रतिशत छुट दिने भएको छ । बीडीएलले चाडबाडको अवसरमा भारी छुटसहित ल्याब परीक्षण सेवाको घोषणा गरेको हो ।
कम्पनीका प्रबन्ध निर्देशक सुरेश तिमल्सिनाले चाडबाडका अवसरमा स्वस्थ भएर खुशी साटासाट गर्ने अवसर प्रदान गर्नका लागि यस्तो छुटको व्यवस्था गरेको जानकारी दिए । ‘अहिले कोरोनाको महामारी छ,’ उनले भने,‘यस्तो बेला स्वास्थ्यको जानकारी राखेर ढुक्कसँग चाडबाड मनाउनका लागि यस्तो व्यवस्था गरेका हौं ।’
दशैं तथा तिहारको अवसरमा एक महिनासम्म यस्तो छुट दिइने उनले बताए । ल्याबले आधुनिक मेशिनबाट दमौलीमै रगतका विभिन्न किसिमका आधुनिक परीक्षणका अलावा होल बडी चेक, थाईराईड परीक्षण र दिशाको खराबी पनि जाँच गर्ने गरेको छ ।
Facebook Comments Box
