काठमाडौं महानगरपालिका वडा नं. १६का वडाध्यक्ष मुकुन्द रिजालको डेङ्गुबाट निधन भएपछि शुक्रबार शाेक बिदा दिइएकाे छ । वडाध्यक्ष रिजाललाइ स्वास्थ्यमा समस्या देखिएपछी भदाै १७ गते उपचारका लागि ग्रान्डी अस्पताल लगिएकाे थियाे । उपचारकै क्रममा अाज बिहान ७ः३० बजे रिजालको निधन भएको अस्पतालले जारी गरेको विज्ञप्तिमा जनाइएकाे छ ।
रिजालको दुवै फोक्सोमा सिभियर निमोनिया भाइरल निमोनिया देखिएपछि सघन उपचार कक्षमा भर्ना गरी उपचार गरिएको अस्पतालका मेडिकल डाइरेक्टर डा. विनोद विजुक्छेले जानकारी दिनुभयाे । रिजाललाई डेंगीसमेत लागेको थियो ।
रिजालकाे नको निधनमा शुक्रबार महानगर अन्तर्गतका कार्यालयहरूमा शोक बिदा दिइएको महानगरका प्रवक्ता नवीन मानन्धरले जानकारी दिनुभयो ।
आज वडाध्यक्षजी बित्नुभएको हुँदा भोलि शोक बिदा दिइएको छ, प्रवक्ता मानन्धरले भन्नुभयो । वडाध्यक्ष रिजालको स्वास्थ्यमा समस्या देखिएपछि भदौ १७ गते उहाँलाई ग्रान्डी अस्पताल लगिएको थियो ।
उनी कांग्रेस काठमाडौं क्षेत्र नम्बर ७ सभापति र महानगर वडा नम्बर १६ अध्यक्षमा दुई पटक निर्वाचित भएका थिए । रिजाल २०२७ सालमा जन्मेका थिए।
उनी २०४६ को जनआन्दोलमा प्रहरी हिरासतमा रहेका थिए । सरस्वती क्याम्पसमा पढ्दा नेविसंघमा आवद्ध भएर उनले राजनीतिमा प्रवेश गरेका थिए। रिजालले मानव अधिकारवादी संघ संस्थामा रहेर पनि काम गरेका थिए ।
