काठमाण्डाै, मंसीर २४
नेपालका जुनसुकै भूगाेलमा बस्ने मानिसहरूकाे समान अधिकार हुनुपर्ने कुरा नेपालका प्रथम राष्टपति डा. रामबरण यादवले बताउनुभयाे ।
गाेरखाकाे पालुङटार नगरपालिका साविककाे च्याङली गा.वि.स.मा जम्नेर अाफ्नाे जीवनकालमा साहित्य क्षेत्रमा बिशेष याेगदान पुर्याउनुभएका व्यक्तित्व स्व. तुलसीमान श्रेष्ठकाे छैटाैं स्मृतिसभामा बाेल्दै पूर्व राष्टपति यादवले साे कुरा बताउनुभएकाे हाे । साेही अवसरमा उहाँले देशमा प्राप्त उपलब्धीकाे रक्षा गर्नकाे लागि लाेकतन्त्रलाइ बलियाे बनााउनुपर्ने बताउनुभयाे ।
प्रज्ञा प्रतिष्ठान भवन कमलादीमा साे कार्यक्रम सम्पन्न भएकाे कार्यक्रमकाे अाैचित्यका बारेमा डा. भक्त राइले प्रष्ट्याउनुभएकाे थियाे ।
तुलसीमान श्रेष्ठ स्मृति समाज का अध्यक्ष प्राध्यापक सीताराम अधिकारीकाे अध्यक्षतामा सम्पन्न कार्यक्रममा हाल अमेरिकामा रहनुभएका स्व. श्रेष्ठका छाेरा निरजमान श्रेष्ठले भर्चुअल माध्यमबाट स्वागत मन्तव्य राख्नुभएकाे थियाे ।
साहित्य क्षेत्रमा याेगदान पुर्याउनुभएका नेपाली साहित्यका जिवित सम्पदा ८६ बर्षीय तुलसी दिवसलाइ पूर्व राष्टपति डा. रामबरण यादवकाे हातबाट सम्मान पत्र सहित नगद रू.२५ हजार प्रदान गरिएकाे थियाे । साेही अवसरमा बाेल्दै दिवसले लाेक साहित्य र समाज धरातल र हावापानी अनुसार हुने भएकाले यसप्रति कसैले नकारात्मक दृष्टिले हेर्न नमिल्ने बताउनुभयाे । साहित्यकै माध्यमबाट अाफूले सयाैं देश भ्रमण गरेकाे उदाहरण दिँदै गीत, नाच, कविता जस्ता साहित्यिक रचनाकाे माध्यमबाट थुप्रै अवसरहरू अाउने समेत बताउनुभयाे ।
साे अवसरमा सम्मानित हुनुभएका व्यक्तित्व तुलसी दिवस, गण्डकी प्रदेश सभाका सदस्य माननीय सुरेन्द्रराज पाण्डे, बिगत बर्षहरूमा सम्मानित भइसक्नुभएका व्यक्तित्वहरू देउडा गायक नन्दकिष्ण जाेशी, प्रा. डा. चुडामणि बन्धु, बरिष्ठ लाेक गायिका ज्ञानु राणा, समाजका सचिव तुलसीनारायण श्रेष्ठ, पालुङटार नगरपालिकाका पूर्व मेयर दिपकबाबु कंडेल लगायतकाले मन्तव्य राखेका थिए ।
