गोरखा सदरमुकाममा निर्वाचनमा संञ्चार माध्यमको भूमिकाको बारेमा शनिवार छलफल भएको छ । जिल्ला निर्वाचन कार्यालय गोरखाको आयोजना र नेपाल पत्रकार महासंघ गोरखाको समन्वयमा कार्यक्रम भएको हो ।
कार्यक्रम जिल्ला निर्वाचन कार्यालय गोरखाका प्रमुख टेकबहादुुर कोइरालाले निर्वाचनमा सञ्चार माध्यमको भूमिकाको बारेमा जानकारी गराएका थिए ।
अभिमूखीकरण कार्यक्रममा निर्वाचनलाइ शान्त, भयरहित वातावरणमा सम्पन्न गर्न तथ्यपूर्ण सूचना सम्प्रेषणमा पत्रकारहरुको महत्वपुर्ण भूमिका रहने उनले बताए । निर्वाचनमा सबैले पालना गर्नुपर्ने आचरणहरु, निर्वाचनमा कस्को के भूमिका हुन्छ भन्ने विषयमा जानकारी गराएका थिए ।
साथै उनले आयोगले हाल सम्म गरेका कार्यहरु, निर्वाचन आचारसंहिता र आमसञ्चार माध्यम, निर्वाचनमा मिथ्या सूचना, दुष्प्रचार र द्धेषपूर्ण अभिव्यक्तिको रोकथाम, आयोगका सूचना संयन्त्र र आयोगको अपेक्षा लगायतको विषयमा प्रस्तुतीकरण दिएका थिए ।
सोहि कार्यक्रममा पत्रकार महासंघ गोरखाका अध्यक्ष नरहरि सापकोटाले मिडिया र पत्रकारले पेशागत मर्यादा र पत्रकारिता सिद्धान्तमा अडिग भएर काम गर्नुपर्ने बताए । पत्रकार आचरसंहिता, निर्वाचन आचारसंहित र नागरिकप्रति उत्तरदायि भएर काम गर्नुपर्ने विषयमा उनले प्रस्तुतिकरण दिएका थिए ।
पत्रकार महासंघ गोरखाका अध्यक्षसापकोटाको अध्यक्षता तथा मुख्य निर्वाचन अधिकृत तेजेन्द्रप्रसाद शर्माको प्रमुख आथित्यतामा भएको कार्यक्रममा प्रमुख जिल्ला अधिकारी शंकरहरी आचार्य, गोरखा क्षेत्र नंम्बर २ का निर्वाचन अधिकृत नाराणप्रसाद भट्टराई, निर्वाचन कार्यालय गोरखाका प्रमुख टेकबहादुर कोइराला लगायतले कार्यक्रममा मन्तव्य राखेका थिए
