बिहिबार गोरखामा भएको सवारी दुर्घटनामा परी एकजनाको ज्यान गएको छ । गोरखा आँबुखैरेनी सडकको नौ किलो सडकखण्डमा बस र मोटरसाइकल ठोक्किएर भएको दुर्घटनामा अजीरकोट गाउँपालिका ३ हंशपुरका ३२ बर्षका केशव दवाडीको मृत्यू भएको प्रहरीले जनाएको छ ।
प्रहरीका अनुसार उपचारका लागि गोरखा अस्पताल ल्याउँदै गर्दा बाटोमा नै दुवाडीको मृत्यू भएको हो ।
गोरखातर्फ आउँदै गरेको बाग्मती प्रदेश ०२–०२२प६४२२ नम्बरको मोटरसाइकल र गोरखाबाट चितवन जादै गरेको ग १ ख ४५२२ नम्बरको यात्रुबाहक बस दिउसो पौने तीनबजे परस्पर ठोक्किँदा मोटरसाइकलमा सवार दुई जना गम्भीर घाइते भएका थिए ।
घाइतेमध्यका अर्का सिरानचोक गाउँपालिका ८ का १७ बर्षीय विशाल पन्तको चितवनमा उपचार भइरहेको छ । उनी मोटरसाइकल चालक हुन् ।
Facebook Comments Box
