सुन्दरबजार नगरपालिकाले विदेशबाट फर्किएर आएका तथा बेरोजगार युवालाई तरकारी र मौरीपालनका लागि अनुदान दिएको छ ।
विदेशमा दुःख भोगेर आएका तथा काम नपाएर फुर्सदमा रहेका युवालाई स्वरोजगार बनाउन तरकारी खेतीमा र मौरी पालन व्यवसायमा अनुदानको व्यवस्था गरेको जनाएको छ । नगरपालिका कृषि सेवा शाखाका प्रमुख सुरेशप्रसाद अधिकारीका अनुसार गतबर्ष मात्रै शाखामार्फत २४ जना युवालाई अनुदान दिइएको छ । च्याउ, काउली, बन्दा, गोलभेडालगायतका विभिन्न तरकारी खेती गर्दै आएका किसान र मौरीपालन गर्दै आएकालाई अनुदान उपलब्ध गराएको हो । नगरपालिकाले युवा लक्षित कार्यक्रम अन्तर्गत तरकारी र मौरीपालन खेतीमा अनुदान दिएको अधिकारीले बताउनुभयो । आर्थिक बर्ष २०७६÷०७७ मा तरकारी खेती गर्दै आएका १२ जना युवालाई र मौरी पालन गर्दै आएका १२ जना युवालाई अनुदान दिएको हो । प्रति युवा ४० हजार रुपैयाँका दरले कूल ९ लाख ६० हजार रुपैयाँ अनुदान उपलब्ध गराएको नगरपालिकाले जनाएको छ ।
विदेशबाट फर्किएर आएका, बेरोजगार ५० बर्ष मुनिकालाई अनुदान दिएको जनाएको छ । अनुदानका लागि युवाले कृषि गरेको स्थलको अनुगमन तथा निरीक्षण गर्ने, मापदण्ड अनुुसार भए नभएको हेर्ने, मापदण्ड अनुसार भए छनौट गर्ने गरिन्छ । सम्झौता भएपछि मात्र अनुदान रकम दिने गरिएको जनाएको छ ।
नगरपालिका प्रमुख जनकराज मिश्रले युवालाई गाउँघरमै स्वरोजगार बनाउन र विदेश पलायनको समस्या समाधानका लागि युवा लक्षित कार्यक्रम सञ्चालन गरेको बताउनुभयो । आफ्नै ठाउँमा काम नगरी विदेश जाने सोंच बनाएका युवालाई गाउँठाउँमै कृषि गर्दा मनग्य आम्दानी गर्न सकिन्छ भन्ने कुरा बताउँदै अनुदान दिने गरेको बताउनुभयो । धेरै युवा बेरोजगार भएका कारण विदेश जान बाध्य भएकाले त्यस्ता युवालाई नगरपालिकाले नगरभित्रै बस्न सक्ने र आम्दानी गर्न सक्ने वातावरण सिर्जनाका लागि लागेको बताउनुभयो । कृषिबाट नै समृद्धि हुने भएकाले युवालाई कृषिमा आकर्षित गर्ने र आत्मनिर्भर बनाउनका लागि विभिन्न कार्यक्रम ल्याएको बताउनुभयो । युवाको माग अनुसार अनुदान दिँदै जाने नगरपालिकाले जनाएको छ ।
![](https://gorkhasansar.com/wp-content/uploads/2024/07/Messenger_creation_54faba2f-7554-4c96-bdfa-6e918a256f4f-225x300.jpeg)
![गोर्खा संसार](https://gorkhasansar.com/wp-content/uploads/2024/03/images-150x150.jpg)
ट्राफिक प्रहरी कार्यालय गोर्खाले उठायो ८५ लाख ७१ हजार जरिवाना
गोरखा जिल्ला ट्राफिक प्रहरी कार्यालयले आर्थिक वर्ष २०८०८१ मा जरिवानाबाट मात्रै ८५ लाख ७१ हजार उठाएको छ। प्रहरी कार्यालय गोर्खाले गरेको पत्रकार सम्मेलनमा सो कुराको