गोरखा संसार
फागुन १९, गोरखा ।
पालुङ्टार नगरपालिका वडा नं. ७ मा अवस्थित जीवन ज्योति माध्यमिक विद्यालयको ५२औं बार्षिक उत्सव समारोह आजबाट शुरु भएको छ । बार्षिक उत्सव समारोह अन्तर्गत अन्तर सदनात्मक खेलकुद प्रतियोगिताहरु सञ्चालन भइरहेका छन । जस अन्तर्गत आज छात्र छात्रातर्फको १००मि.दौड, २००मि. दौड, ४००मि. दौड, ८००मि. दौड, १५००मि. दौड, हाइजम्प, लङजम्प, त्रिपलजम्प, छेलो, भाला, बेलुन फुटाई, म्युजिकल चियर, लगायतका खेलहरु सम्पन्न भएका छन । त्यस्तै गरी भोलि छात्र छात्रा तर्फको ३०००मि. दौड, भलिबल लगायतका खेलकुदहरु हुने जनाइएको छ । २१ गते पालुङ्टार नगरपालिकाका नगरप्रमुख दीपक बाबु कंडेलको प्रमुख आतिथ्यतामा अभिभावक भेला हुने विद्यालयका प्रधानाध्यापक बद्री बहादुर पाण्डेले जानकारी दिनुभयो ।
कक्षा १ देखि १२ सम्म पठनपाठन भइरहेको यस विद्यालयमा करिब ९०० विद्यार्थीहरु अध्ययनरत छन । २०७२ को भूकम्पपछि विद्यालय भवन जीर्ण भएकोमा जापानी सहयोग निकाय जाइका को सहयोगमा सुविधासम्पन्न २४ कोठाका ३ वटा भवनहरु रहेका छन । विद्यार्थी संख्याको आधारमा दरबन्दी नहुँदा पठनपाठनमा कठिनाई हुँदै आएको विद्यालयका प्रधानाध्यापक पाण्डेले बताउनुभयो । सो विद्यालयमा कक्षा १ देखि १० सम्म अंग्रेजी माध्यममा पठन पाठन हुँदै आइरहेको छ भने गुणस्तर सुधारको लागी विद्यालयमा धेरै नयाँ कदमहरु अपनाइरहेको विद्यालय व्यवस्थापन समितिका अध्यक्ष वसन्त कुमार श्रेष्ठले बताउनुभएको छ ।
ट्राफिक प्रहरी कार्यालय गोर्खाले उठायो ८५ लाख ७१ हजार जरिवाना
गोरखा जिल्ला ट्राफिक प्रहरी कार्यालयले आर्थिक वर्ष २०८०८१ मा जरिवानाबाट मात्रै ८५ लाख ७१ हजार उठाएको छ। प्रहरी कार्यालय गोर्खाले गरेको पत्रकार सम्मेलनमा सो कुराको