गोरखा संसार
फागुन १७, गोरखा ।
पालुङ्टार नगरपालिका वडा नं. ७ मा चाम्पानी खानेपानी को उदघाटन कार्यक्रम सम्पन्न भएको छ । उदघाटनका क्रममा प्रमुख अतिथिको रुपमा बोल्दै नगरप्रमुख कंडेलले हाम्रा उत्पादनमुखी हातहरु अल्छी हुँदै गएको प्रति चिन्ता व्यक्त गर्नुभएको छ । सोही अवसरमा उहाँले यस च्याङ्लीमा विगतका दिनहरुमा उखु, बदाम, केरा लगायतका कृषि उत्पादनहरु बिक्री गरिनेभएको भएतापनि पछिल्ला दिनहरुमा उत्पादनमा ध्यान नदिएको बताउनुभयो । त्यस्तै गरी उहाँले धौखोलाको पानी सोचेअनुरुप सफल नभएकोमा पनि चिन्ता व्यक्त गर्नुभएको थियो ।
शुद्ध खानेपानी बिना स्वस्थ जीवनको कल्पना गर्न नसकिने हुँदा खानेपानीको योजनालाई आफूले प्रमुख प्राथमिकतामा राखेको पनि नगर प्रमुख कंडेलले बताउनुभयो ।
चाम्पानी खानेपानी तथा सरसफाइ उपभोक्ता समितिका अध्यक्ष कृष्णजी श्रेष्ठको अध्यक्षतामा सम्पन्न उदघाटन समारोहमा बिशेष अतिथिको रुपमा बोल्दै वडा नं. ७ का वडाध्यक्ष बसन्त कुमार श्रेष्ठ ले यस वडाकै सवैभन्दा सफल आयोजना रहेको बताउनुभएको थियो । जसमा समितिकी सचिव संगीता कुमालले स्वागत मन्तव्य राख्नुभएको थियो । स्वाँरा सघनका कार्यकारी निर्देशक सीताराम श्रेष्ठ, वडा सदस्य भगवती कुमाल, भोज बहादुर मास्की लगायतकाले मन्तव्य राखेका थिए ।
खानेपानी आयोजना स्वाँरा सघनको प्राविधीक सहयोग, केयर नेपालको सामग्री सहयोग र नगरपालिकाको समेत सहयोगमा कूल ६२ लाखको लागतमा सम्पन्न भएको थियो । आयोजनाबाट ९१ घरधुरीमा धारा जडान गरिएको छ । त्यस्तै गरी यस वडामा केही अन्य खानेपानी आयोजना पनि निर्माणाधीन अवस्थामा रहेका छन भने स्थानीय सरकार छिटै एक घर एक धारा को लाई सार्थकता दिन लागिपरेका छन् ।
![](https://gorkhasansar.com/wp-content/uploads/2024/07/Messenger_creation_54faba2f-7554-4c96-bdfa-6e918a256f4f-225x300.jpeg)
![गोर्खा संसार](https://gorkhasansar.com/wp-content/uploads/2024/03/images-150x150.jpg)
ट्राफिक प्रहरी कार्यालय गोर्खाले उठायो ८५ लाख ७१ हजार जरिवाना
गोरखा जिल्ला ट्राफिक प्रहरी कार्यालयले आर्थिक वर्ष २०८०८१ मा जरिवानाबाट मात्रै ८५ लाख ७१ हजार उठाएको छ। प्रहरी कार्यालय गोर्खाले गरेको पत्रकार सम्मेलनमा सो कुराको