गोरखा ६ कात्तिक । गोरखाको पालुङ्गटार नगरपालिकाले २० वटा सडक निर्माण र स्तरोन्नतीको योजनालाई प्राथामिकतामा राखेर काम अघि बढाएको छ । नगरपालिकाले चालु आर्थिक बर्षमा नगरपालिकाको बजेट मार्फत निर्माण तथा स्तरोन्नती गर्नेगरी प्राथामिकता आधारमा सडक योजनाहरुको छनोट गरेको हो ।
नगरपालिकाले संघ र प्रदेश सरकारको तर्फबाट बजेट नपरेका तर अत्यावश्यक रहेका सडकहरुको निर्माणका लागि छनोट गरेर बजेट बिनियोजन गरेको नगरप्रमुख विवस चिन्तनले जानकारी दिनुभयो । जस अन्तरगत मार्गदर्शन टोल राधाकृष्ण मन्दिर सडकका लागिका नगरपालिकाले ३० लाख रुपैया बिनियोजन गरेको उहाँले बताउनुभयो ।
त्यस्तै हात्तीगौडा कोषगाडे सडक स्तरोन्नती, ज्योतिचौतारा खोप्लाङ भन्ज्याङ सडक स्तरोन्नतीका लागि १०÷१० लाख रुपैया नगरपालिकाले बिनियोजन गरेको छ । नगरपालिकाले बज्रे डाँडा भित्री बाटो ढलानका लागि ७ लाख, जुम्ली नौविसे कृषि सडकका लागि तीन लाख, गुन्टार बिराबारी आँपपिपल सडकका लागि एक्काईस लाख रुपैया बिनियोजन गरेको उहाँले जानकारी दिनुभयो ।
नगरपालिकाले चैते फेदी ठुकरी गाउँ सडक निर्माण, गौडा पुरानो डी सडक स्तरोन्नती, आयुर्वेद पारीबारी सडक निर्माणका लागि ९÷९ लाख रुपैया बिनियोजन गरेको छ भने सडक पूर्वाधारका बिकास अन्र्तगत चिसा खोला तिलाराम भन्ज्याङ सडक निर्माणका लागि १० लाख, जरुवा ठाँटी देवकोटा गाउँ सडक निर्माणका लागि ७ लाख तथा कालामाटा तालपोखरी ठाडो बाटो निर्माणका लागि ८ लाख बिनियोजन गरेको छ ।
त्यस्तै जोग्दीखोला डोटीपिपल विरुवाटार सडक निर्माणकाका लागि १५ लाख, सिद्ध मा.वि झाक्रा सडक निर्माणका लागि नगरपालिकाले ७ लाख रुपैया बिनियोजन गरेको छ । डुम्री चौर मरे गौडा सडक निर्माणका लागि १० लाख, लामागार धडेरी खोला हात्ती गौडा सडक निर्माणका लागि १५ लाख रुपैया नगरपालिकाले आगामी आर्थिक बर्षका लागि बिनियोजन गरेको नगरप्रमुख चिन्तनले बताउनुभयो ।
नगरपालिकाले उपल्लो सेरा सिस्नेरी गुरुङ गाउँ सडक निर्माणका लागि १० लाख, तीनघरे ठूलोगाउँ जोड्ने सडक बाटोका लाग ११ लाख, जनता मा.वि प्रवेशद्धार निर्माणका गर्न ५ लाख रुपैया बिनियोजन गरेको छ भने रातमाटो गुरुङगाउँ सडक निर्माणका लागि ४ लाख रुपैया बिनियोजन गरेको उहाँको भनाई छ ।
त्यस्तै बोहोरे खोला चेपे, खारखोला तातोपानी हुदैँ पालुङटार नगरपालिका वडा नम्बर ८ र गोरखा नगरपालिका ४ अधेरी जोड्ने सडक निर्माणका लागि पनि संघिय सरकारको सशर्त अनुदानबाट ५० लाख रुपैया बजेट बिनियोजन भएर आएको नगरप्रमुख चिन्तनले जानकारी दिनुभयो । उक्त सडक निर्माणका लागि नगरपालिकाले १० लाख रुपैया साझेदारी गरेर सडक निर्माण गर्ने नगरपालिकाले जनाएको छ ।
