साउन १२,गाेरखा ।
गाेरखा बहुप्राविधिक शिक्षालयमा बिगत केही दिन अगाडीदेखि लगाइएकाे ताला नागरिक खबरदारी अभियान पश्चात खुल्ने भएकाे छ ।
शिक्षालय प्रमुखले शिक्षालयमा कार्यरत केही प्रशिक्षकहरूकाे करार म्याद थप नगर्नुका साथै एकजना प्रशिक्षककाे कार्यकक्षमा ताला लगाएपछि प्रतिकारस्वरूप कर्मचारीहरूले प्रमुख काे कार्यकक्षमा ताला लगाइदिएका थिए ।
ताला लगाइएकाे ३,४ दिन बितिसक्दासमेत ताला नखुलेपछि अाज नागरिक खबरदारीका लागि गेटअगाडी स्थानीयहरू बिभिन्न मागहरूसहितकाे प्लेकार्ड छातीमा राखेर जम्मा भएका थिए । शिक्षालयकाे बिबाद समाधान गरी ताला खाेल्नुपर्ने र निर्वाध पठनपाठनकाे वाताबरण बनाउनुपर्ने अधिकांशकाे माग रहेकाे थियाे ।
अभियानमा नागरिक अगुवाहरू गण्डकी प्रदेशका पूर्व मन्त्री हरिशरण अाचार्य, प्रेम गुरूङ, नारायणी अधिकारी लगायतकाले समस्या समाधानका लागि छिटाे पहल गर्नुपर्ने बताएका थिए ।
कर्मचारीहरूकाे तर्फबाट शिक्षालयकी कर्मचारी निर्मला मल्ल, करार म्याद थप नगरिएका भनिएका शिक्षक अाशिश रानाभाटले प्रमुखले अाफूहरूमाथि ज्यादती गरेकाे, बिनाकारण म्याद थप नगरिएकाे, शिक्षालयभित्र अनियमितता गरेकेा लगायतका बिषयबस्तुकाे जानकारी गराएका थिए । शिक्षालय प्रमुख सुनिल बर्साैलाले समस्या समाधानका लागि सबै पक्षकाे सहयाेग अावश्यक पर्ने र साे काे लागि स्थानीय नागरिक अगुवाहरूकाे समेत सहयाेग अावश्यक पर्ने बताउनुभएकाे थियाे ।
समस्या समाधानका लागि सकारात्मक सन्देश सहित जनतासामु यथार्थ कुराकाे जानकारी गराउने उदेश्यले अभियान सञ्चालन गरिएकाे गण्डकी प्रदेशका पूर्व उर्जा तथा जलश्राेत मन्त्री हरिशरण अाचार्यले बताउनुभएकाे थियाे ।
नागरिक खबरदारी अभियानका क्रममा बाेल्दै स्थानीय प्रेम गुरूङले अभियान कसैकाे पक्ष बिपक्षमा नभएकाे तथा कुनै पनि राजनितिक अास्थाका अाधारमा नभएकाे र शिक्षालयकाे सुधारका लागि जस्ताेसुकै त्याग र बलिदान समेत गर्न तयार रहने बताउनुभएकाे थियाे ।
साेही क्रममा पालुङटार नगरपालिकाका नगरप्रमुख बिबश चिन्तनले अभियानप्रति एेक्यवद्दता जाहेर गर्दै शिक्षालय ल्याउन स्थानीयकाे निकै ठूलाे याेगदान रहेकाे बताउनुभयाे । त्यस्तै उहाँले शिक्षालयकाे शाख उँचाे पार्न सबैले अा अाफ्नाे ठाउँबाट सहयाेग गर्नुपर्ने र अाफूले पनि सक्दाे पहल गर्ने बताउनुभयाे ।
