जलहरी जाँच्ने क्रममा के के भेटियो ?

११ असार, काठमाडौं ।

अख्तियार दुरुपयोग अनुसन्धान आयोगले आइतबार मध्यरातसम्म पशुपतिनाथ मन्दिरमा स्थापना गरिएको सुनको जलहरी जोख्ने र जाँच्ने काम गर्‍यो । त्यसबारे अख्तियारले अहिलेसम्म सार्वजनिक प्रतिक्रिया भने दिएको छैन ।

कोषका पदाधिकारीहरुले अनौपचारिक रुपमा जलहरी निर्माणमा खपत भएको भनिएको १०८ किलो सुन आइतबार मध्यराति परीक्षणका क्रममा पुष्टि भएको दाबी गरेका छन् । सुन जोख्ने काममा सहभागी एक कर्मचारीका अनुसार जलहरी र पेटी समेत तौलिंदा १०७ किलो ४६८ ग्राम सुन भेटिएको हो ।

सुन जोखेपछि मुचुल्का बनाएर फर्केको अख्तियारको टोलीले ‘यो विषयमा अहिले बाहिर नबोल्नुहोला’ भनेर निर्देशन दिएको भन्दै उनले नाम बताउन चाहेनन् ।

कोषका पदाधिकारीहरुले दाबी गरे अनुसार, ज्योतिर्लिङ्गमा राखिएको सुनको पेटी समेत जोख्दा आधा किलो कम सुन फेला परेको हो । कोषका पदाधिकारीहरु भने पटक–पटक राख्ने र झिक्ने काम भएको अनि जलहरी स्थापना गरेको दुई वर्ष बितेकाले आधा किलो जति तौल कम हुनु स्वाभाविक हुने दाबी गर्छन् ।

दुई वर्षअघि पशुपति क्षेत्र विकास कोषले जलहरी जडान गरेको मुचुल्कामा भने ९६ किलो ८२२ ग्राम सुन थियो । अख्तियारमा उजुरी दिनेहरुले करिब ९७ किलो सुन खपत गरेका कोषका पदाधिकारीहरुले बाँकी ११ किलो सुन हिनामिना गरे भन्ने आरोप लगाएका थिए ।

बाँकी रहेको ११ किलो सुनको पेटी जलहरी स्थापनापछिको निकै दिनपछि मात्रै मन्दिरमा लगेर स्थापना गरिएको थियो । अख्तियारको टोलीले पेटी बनाएको ठाउँमा पुगेर कालिगडसँग बयान लिएको छ ।

मुचुल्कामा बाँकी रहेको करिब ११ किलो सुनबारे प्रश्न उठेपछि कोषका पदाधिकारीहरुले बाँकी रहेको सुन पेटी बनाएर पशुपतिको मूर्तिमा लगाइदिएको बताएका थिए । पेटी जाँच्दा पुगनपुग ९ किलो सुन रहेको भेटिएको सुनको गुणस्तर परीक्षण गर्दा औसतमा २२ क्यारेट सुन प्रयोग भएको खुलेको थियो ।

परीक्षणका क्रममा जलहरीमा तत्कालीन राष्ट्रपति विद्यादेवी भण्डारीदेखि प्रधानमन्त्री केपी शर्मा ओली, पर्यटनमन्त्री भानुभक्त ढकालदेखि कोषका पदाधिकारीहरुको नाम नै उल्लेख गरेको भेटिएको हल्ला चलेको थियो ।

कोषका पदाधिकारीहरु यो दाबी झुटो रहेको बताउँछन् । जलहरी निर्माणमा सुरुदेखि नै प्रश्न उठाएका उजुरीकर्ताहरुले भने जलहरीको भित्रपट्टि उनीहरुको नाम राखिएको दाबी गरेका थिए । यही विषय सोमबारको प्रतिनिधिसभा बैठकमा समेत उठ्यो ।

कांग्रेस सांसद रामहरि खतिवडा र माओवादी केन्द्रका सांसद लेखनाथ दाहालले तत्कालीन राष्ट्रपति विद्यादेवी भण्डारी र प्रधानमन्त्री केपी ओलीले जलहरीमा आफ्नो नाम लेखाउने रहर पूरा गर्न सुनको जलहरी लगाएको आरोप लगाए । एमाले सांसदहरुले त्यसको विरोध गरेका थिए ।

पशुपतिमा सुनको जलहरी राखेपछि मन्दिर परिसरभित्र स्थापना गरिएको शिलालेख । मन्दिर परिसरमा फोटो खिच्न निषेध भएकाले त्यहाँ भएको व्यहोरा उतारेर अनलाइनखबरले शिलालेखको नमूना बनाएको हो ।

जलहरीमा तत्कालीन पदाधिकारीहरुको नाम लेखिएको आरोपको स्वतन्त्र पुष्टि हुन नसके पनि जलहरी निर्माणपछि भने मन्दिर परिसरभित्र तत्कालीन राष्ट्रपति भण्डारीदेखि प्रधानमन्त्री ओली लगायतको नाम उल्लेख भएको ताम्रपत्र भने राखिएको थियो ।

उनीहरुले त्यसलाई सारेर पशुपति क्षेत्र विकास कोषको कार्यालयमा राख्न माग गरेका थिए ।

Source: Onlinekhabar

Facebook Comments Box
फुटबल
गोर्खा संसार

प्रथम पूर्णे पिपल कप फुटबल प्रतियोगिताको उपाधि खत्रीटारलाई

गोर्खाको भलुङ्टार नगरपालिका वडा नम्बर ७ च्याङ्लीमा अवस्थित पुर्णे पिपल युवा क्लबद्वारा आयोजित प्रथम पूर्णे पिपल कप फुटबल प्रतियोगिताको उपाधि खत्रीटार युवा क्लबले हात पारेको

सबै पढनुहोस »
फुटबल
गोर्खा संसार

पालुङटार नगरपालिका वडा नम्बर ७ च्याङ्लीमा रहेको पूर्णे पिपल युवा क्लबद्वारा आयोजित अन्डर नाइन्टिन फुटबल प्रतियोगिताको उद्घाटन खेलमा खत्रीटार युवा क्लब विजयी बनेको छ। पुर्णे

सबै पढनुहोस »
राष्ट्रिय
गोर्खा संसार

अण्डाको समर्थन मूल्य तोकियो, मध्यमको प्रतिक्रेट ३७५

काठमाडौं । नेपाल लेयर्स कुखुरा पालक संघले अण्डाको समर्थन बिक्री मूल्य तोकेको छ । नयाँ समर्थन मूल्य भोलि चैत २२ गतेबाट लागू हुनेछ ।नयाँ समर्थन

सबै पढनुहोस »
Uncategorized
गोर्खा संसार

त्रिशुलीमा खसेर बेपत्ता भएका बालकको शव चारदिनपछि फेला

पशुपति आर्यघाटमा बुबाको दाहसंस्कार गरेर फर्किँदा त्रिशुलीमा खसेर बेपत्ता भएका एक बालकको शव चारदिनपछि फेला परेको छ । बा २ ज ४१९६ नंबरको ट्याक्सी पृथ्वीराजमार्गको

सबै पढनुहोस »
मुख्य समाचार
गोर्खा संसार

रेडक्रस, समाज कल्याण र बालअधिकार परिषद् सुधार्न क्रियाशिल छुः मन्त्री चौधरी

काठमाडौं । महिला बालबालिका तथा ज्येष्ठ नागरिक मन्त्री भगबती चौधरीले मन्त्रालय र मन्त्रालयसँग संबद्ध सरकारी निकाय सुधार गर्न आफु प्रतिबद्ध रहेको बताउनु भएको छ ।

सबै पढनुहोस »
Breaking 1
विजय कुमाल

न्युज वेबसाइट डिजाइनसँगै पत्रकारिता सम्बन्धी १५ दिने तालिम हुँदै

सूचना प्रविधिको विकाससँगै पछिल्लो समय नयाँनयाँ समाचारीय वेबसाइटहरु निर्माण गर्ने र सञ्चालन गर्ने होड चलिरहेको बेला पोखराको एक कम्पनीले वेबसाइट डिजाइनसँगै आधारभूत पत्रकारितासमेतको तालिम आयोजना

सबै पढनुहोस »
No widgets found. Go to Widget page and add the widget in Offcanvas Sidebar Widget Area.