विकास निर्माणको काम गोरखाबाट अब सुरु भएकाे प्रधानमन्त्रीकाे भनाइ

संघीय गणतान्त्रिक नेपालका प्रधानमन्त्री पुष्पकमल दाहाल प्रचण्डले बिकास निर्माणकाे काम गाेरखाबाट शुरू भएकाे बताउनुभएकाे छ ।

प्रधानमन्त्री दाहालले साे गाेरखाकाे पालुङटार नगरपालिका वडा नं. २ मा पर्ने र लमजुङ जाेडने पन्थडिही–कटहरे–हर्मी–साहिलटार सडक स्तरोन्नति योजनाको शिलान्यास गर्दै साे कुरा बताउनुभएकाे हाे ।

निर्वाचनका क्रममा गाेरखाका बिभिन्न स्थानहरूमा भाेट माग्दै हिडने क्रममा उहाँले गाेरखाकाे धुले सडकलाइ ५ बर्षभित्र पक्की सडक बनाउने उदघाेष गर्नुभएकाे थियाे । चुनावका बेला गरिएका धेरै बाचा पूरा गर्ने गरी अहिले योजना बनाइरहेको र आफुले विभिन्न मन्त्रालयहरुलाई निर्देशन दिईसकेको प्रधानमन्त्री दाहालले बताउनुभयाे ।

सडक स्तरोन्नती अन्तर्गत सो सडकलाई दुई लेन चौडा बनाउने, नाली निर्माण, टेवा पर्खाल र कालोपत्रेको काम हुने सडक सुधार आयोजना निर्देशनालयका निर्देशक ज्ञानेन्द्रकुमार झाले बताउनुभएकाे थियाे । उक्त सडक स्तराेन्नतीकाे लागि भारत सरकारको एक्जिम बैंकको ऋण सहयोगअन्तर्गत ८१ करोड ६१ लाख ६६ हजार रुपैयाँ बिनियाेजित गरेकाे बताइएकाे छ ।

उक्त सडक स्तराेन्नतीकाे जिम्मा उड हिल, लामा जेभीले निर्माणको जिम्मा पाएको छ । २०८२ भदौ भित्र काम सक्ने गरी निर्माण कम्पनीले २०७९ फागुन १५ गते सम्झौता गरेको थियो । उक्त सडक बनेपछि चार लाख भन्दाबढि जनसंख्या लाभान्बित हुने ११ किलो छेपेटार भालुस्वाँरा बारपाक सडक आयोजना कार्यालय गोरखाले जनाएको छ ।

पुजापाठसँगै शिलालेख अनावरण गरेर प्रधानमन्त्री दाहालले पन्थडिही कटहरे हर्मी साहिलटार सडकको शिलान्यास गरेका थिए । ‘सडक मात्रै भएर विकास नहुँदो रहेछ, शिक्षा, स्वास्थ्य, रोजगारीको अवसर यहाँ नै सिर्जना गरेर बिदेशीएका जनशक्तिलाई यहाँ अवसर दिलाउने गरी हाम्रो ध्यान केन्द्रित हुनेछ’ प्रधानमन्त्री दाहालले बताउनुभयाे । सडकलाई उत्पादनसित जोड्नुपर्ने, आयात कम गर्दै निर्यात बढाउने गरी विकासका योजना अघि बढाउनुपर्ने देशभरीको आवश्यकता रहेकाे पनि बताउनुभयाे ।

उपप्रधानमन्त्री नारायणकाजी श्रेष्ठले निर्धारित समय भन्दापनि अगाबै गुणस्तरीय काम गरेर सिध्याउन निर्माण ब्यवशायीलाई सुझाब दिनुभयाे । ‘धेरै पहिलेदेखि जनताले कालोपत्रेको अपेक्षा गरेको सडक हो’, भौतिक पूर्वाधार मन्त्री समेत रहनुभएका श्रेष्ठले  विकास निर्माणका काम मार्फत सरकारले समृद्धिको प्रक्रियालाई गुणात्मक परिर्वतन ल्याउने  बताउनुभयाे ।

वि.सं. २०६५ सालमा ट्रयाक खन्ने काम भएकाे याे सडककाे स्तराेन्नती हुन लागेकाेमा पूर्व प्रधानमन्त्री बाबुराम भट्टराईले  खुशी व्यक्त गर्दै २०७७/७८, ७८/७९ मा दुईपटक ठेक्का आह्वान गर्दापनि यो सडक खण्डको काम सुरु हुन नसकेको बताउनभएकाे थियाे ।

गण्डकी प्रदेश सभा सदस्य सुरेन्द्रराज पाण्डेले यो बेला नबनेको गोरखा अब कहिले बन्ने ? भन्दै प्रधानमन्त्री, उपप्रधानमन्त्री लगायत सबै पार्टीका नेताहरु गोरखाको विकास र समृद्धिमा एकजुट हुनुपर्ने बताउनुभयाे । ‘केही योजना ठेकेदारका कारण अलपत्र छन्’, उहाँले भन्नुभयाे ‘ पन्थडिही कटहरे हर्मी साहिलटार सडक जिम्मा लिने पनि गोर्खाली ब्यवशायी हुनुहुन्छ । उहाँ निर्धारित समयभित्रै र गुणस्तरीय काम गर्ने ठेकेदार हुनुहुन्छ । त्यसैले यो काम पनि उहाँले समयभित्रै सक्नुहुनेछ ।’

सडक विभागका महानिर्देशक सुशील ढकालले पन्थडिही कटहरे हर्मी साहिलटार सडक खण्डमा स्थानीयले स्वस्फूर्त जग्गा उपलब्ध गराएको भन्दै धन्यवाद दिनुभयाे । ‘अन्तर निकायत्मक समन्वयका अभावले केही योजनाहरु समयमै पूरा भएका छैनन’,  ‘यो सडक उच्च गुणस्तरका साथ समयमै सम्पन्न हुनेमा आशावादी छु ।’ समयभित्रै सम्पन्न गर्नेमा कुनै कसर बाँकी नराख्ने उनले प्रतिवद्धता व्यक्त गर्नुभयाे ।

पालुङटार नगरपालिकाका प्रमुख बिबस चिन्तनले एक दशक अघिदेखि हिलो, धुलोले गिज्याईरहेको यो सडक कालोपत्रे हुनु स्थानीयकालागि खुसीको कुरा भएको बताउनुभएकाे थियाे । साथै उनले काम छिटो सम्पन्न गर्न स्थानीय सरकारले सहयोग गर्ने पनि बताउनुभयाे ।

Facebook Comments Box

मुग्लिन सडक खण्डमा पहिरोसहित ढुंगा खसेर लाग्दा बसका चालकको मृत्यु

चितवन: नारायणगढ–मुग्लिन सडक खण्डमा पहिरोसहित ढुंगा खसेर लाग्दा बसका चालकको मृत्यु भएको छ। बुटवलबाट काठमाडौं आउँदै गरेको लु २ ख ६५६६ नम्बरको बसका चालक नवलपरासी ४

सबै पढनुहोस »

रास्वपा महामन्त्री मुकुल ढकाल मुखमा कालो टेप लगाएर बैठकमा सहभागी

१९ असार, काठमाडौं । राष्ट्रिय स्वतन्त्र पार्टी (रास्वपा) का महामन्त्री एवम् प्रवक्ता मुकुल ढकाल मुखमा कालो टेप लगाएर केन्द्रीय समितिको बैठकमा सहभागी भएका छन् ।

सबै पढनुहोस »

रोल्पाको तालाबाङमा जिप दुर्घटनाः सात जनाको मृत्यु

दाङ- रोल्पाको तालाबाङमा जिप दुर्घटना हुँदा सात जनाको मृत्यु भएको छ । एक नाबालक सहित पाँचजनाको घटनास्थलमै र दुई जनाको अस्पतालमा मृत्यु भएको जिल्ला प्रहरी कार्यालय

सबै पढनुहोस »

पालुङटार नगरपालिकाको  एसईई नतिजा

पालुङटार नगरपालिकाको  एसईई नतिजा 2080 धर्मोदय  २० मा १ पास  5%त्रिवेणी- ३२ मा ७ पास 21.8%लक्ष्मी- १० मा ४ पास 40%भवानी- ५६ मा १९ पास

सबै पढनुहोस »
शिक्षा
गोर्खा संसार

दुईभन्दा बढी विषयमा एनजी ल्याएका विद्यार्थीले पनि मौका परीक्षामा सहभागी हुन पाउने

शिक्षा, विज्ञान तथा प्रविधि मन्त्रालयले माध्यमिक शिक्षा परीक्षा (एसईई २०८०) मा दुईभन्दा बढी विषयमा एनजी अर्थात नन ग्रेड ल्याएका विद्यार्थीलाई पनि मौका परीक्षामा सहभागी गराउने

सबै पढनुहोस »

गोर्खाका ११ विद्यालय निल

यस बर्षको माध्यमिक शिक्षा परीक्षा (एसईई) मा गोरखाका ११ वटा विद्यालयबाट शून्य प्रतिशत परीक्षार्थी उतीर्ण भएका छन् । पालिकाहरुबाट प्राप्त जानकारी अनुसार धार्चे गाउँपालिकाका चार,

सबै पढनुहोस »
No widgets found. Go to Widget page and add the widget in Offcanvas Sidebar Widget Area.