तनहुँको आँबुखैरेनी गाउँपालिका-३, निवासी फुटबलर सन्त बहादुर गुरुङ (कान्छा) र आश गुरुङले मोफसलमा भैइरहेका थुप्रै फुटबल प्रतियोगितामा उत्कृष्ट खेल प्रदर्शन गर्दै आएका छ्न । हाल, चितवनमा जारी छैठौं चितवन च्याम्पियनसिप फुटबल प्रतियोगितामा समेत सेन्ट्रल कलेज रड्स रामपुरको तर्फबाट जर्सी नम्बर १८ का कान्छा गुरुङले उत्कृष्ट खेल प्रदर्शन गरिरहेका छ्न । शनिबार भएको पहिलो क्वाटरफाइनल खेलमा कान्छा गुरुङको टिम रड्स रामपुरले अभिषेक चर्च रजहरलाई ४–१ ले हराउँदै सेमिफाइनलको यात्रा तय गरेको छ । जुनियर प्रहरी अधिकृत शिक्षालयको खेलमैदानमा सम्पन्न खेलमा रडस रामपुरका लागि कान्छा गुरुङले दुई गोल गरेका छ्न । त्यस्तै आशिष गुरुङ र योमीले थप एक–एक गोल गरेका थिए । खेलमा रड्स रामपुरका लागि दुई गोल गरेका कान्छा गुरुङ म्यान अफ द म्याच घोषित भएका थिए । उनले पुरस्कार बापत नगद ५ हजार र ट्रफी हात पारेका छन । यसैगरि, आयोजक विजय युथ क्लब हेटौडामा जारी दोस्रो विजय युथ गोल्डकप नकआउट फुटबल प्रतियोगिताको सेमिफाइनलमा प्रवेश गरेको छ । आइतबार भएको क्वाटरफाइनल खेलतर्फ विजय युथले बागमती प्रदेश प्रहरी गणलाई शून्यका विरुद्ध १ गोलले हराउँदै अन्तिम चारमा प्रवेश गरेको हो । पिप्ले क्याम्पा रंगशालामा भएको खेलको २०औं मिनटमा विजय युथका लागि आश गुरुङले एक मात्र निर्णायक गोल गरेका थिए। निर्णायक गोलकर्ता गुरुङ नै खेलको म्यान अफ द म्याच घोषित भए । उनले पुरस्कार बापत नगद २ हजार र ट्रफी हात पारेका छ्न । फुटबलको क्षेत्रमा उत्कृष्ट खेल मार्फत आफ्नो नाम स्थापित गराईसकेका द्वोय आश गुरुङ र सन्त बहादुर गुरुङ(कान्छा) सहोदर दाजुभाई हुन ।
श्रोत : GoalNepal.com
Facebook Comments Box
