पूर्व प्रधानमन्त्री भट्टराईद्वारा कोरोना व्यवस्थापनको अबस्था तथा बिभिन्न योजनाको अनुुुुगमन

३२ जेष्ठ , गोरखा : पूर्व प्रधानमन्त्री तथा गोरखा २ बाट निर्वाचित सांसद बाबुराम भट्टराईले निर्वाचन क्षेत्रको अनुगमन भ्रमण गरेका छन् ।

आइतबार सिरानचोक गाउँपालिका, अजीरकोट गाउँपालिका र बारपाक सुलीकोट गाउँपालिकाको अनुगमन भ्रमण गरेका हुन् । डाक्टर भट्टराईले सिरानचोक गाउँपालिकाका प्रमुख राजु गुरुङमार्फत बिभिन्न स्वास्थ्य संस्थाका लागि पिपिई, एन ९५ मास्क, सेनिटाइजर, सर्जिकल मास्क, थर्मल गन, ग्लोब्स, साबुन लगायतका स्वास्थ्य सामग्री हस्तान्तरण गरेका थिए । त्यस्तै निर्वाचन क्षेत्र पूर्वाधार विकास कार्यक्रम अन्तर्गतका सडक तथा सहकारी भवनको निरीक्षण गरेका थिए ।

डाक्टर भट्टराईले अजीरकोट गाउँपालिकाका प्रमुख फणिन्द्र धितालमार्फत बिभिन्न स्वास्थ्य संस्थाका लागि पिपिई, एन ९५ मास्क, सेनिटाइजर, सर्जिकल मास्क, थर्मल गन, ग्लोब्स, साबुन लगायतका स्वास्थ्य सामग्री हस्तान्तरण गरेका थिए । त्यस्तै त्यहाँ निर्माणाधीन आधुनिक अलैची भट्टाको भवनको अबस्था बारे अनुगमन भ्रमण गरेका थिए ।

त्यसैगरी डाक्टर भट्टराईले बारपाक सुलीकोट गाउँपालिकाका प्रमुख विष्णु भट्टमार्फत बिभिन्न स्वास्थ्य संस्थाका लागि पिपिई, एन ९५ मास्क, सेनिटाइजर, सर्जिकल मास्क, थर्मल गन, ग्लोब्स, साबुन लगायतका स्वास्थ्य सामग्री हस्तान्तरण गरेका थिए ।

आइतबार जिल्ला सदरमुकाम आउने र सोमबार पालुङटार नगरपालिकाका बिभिन्न योजना तथा कोरोना व्यवस्थापनको अबस्था बारे अनुगमन गर्ने कार्यक्रम रहेको उनका स्वकीय सचिव रोशन पोखरेलले जानकारी दिए ।

स्रोत दरौदी.कम

Back to top button