Trending

तनहुँको भानुमा दोस्रो राष्ट्रिय कृषि जैविक दिवश मनाईयो

माघ ७, भानु
तनहुँको भानुमा दोस्रो राष्ट्रिय कृषि जैविक दिवश मनाईएको छ । “ कृषि जैविक विविधता हाम्रो अमूल्य सम्पदा, संरक्षण एवं दिगो उपयोग हाम्रो प्रतिवद्धता ” भन्ने नाराका साथ सप्ताहब्यापी रुपमा मनाईएको दिवश आईतबार सम्पन्न भएको छ ।
भानु नगरपालिका वडा नं. ९ को बाईसजाँगरमा एक कार्यक्रमका बीच गण्डकी प्रदेशका कृषि तथा भूमि ब्यवस्था मन्त्री महेन्द्रध्वज जिसीले समुद्घाटन गर्नु भएको हो । कृषि ज्ञान केन्द्र तनहुँको आयोजना, जैविक विविधता संरक्षण समिति पुर्कोट सामुदायीक बीउ बैंक भानुको सह–आयोजना र भानु नगरपालिकाको सहयोगमा कार्यक्रम गरिएको जैविक विविधता संरक्षण समितिका सिताराम बजगाईले बताउनु भयो ।
स्थानीय रैथाने जातको बीउको संरक्षणमा जोड दिई, कृषकको आम्दानीको अवस्थामा वृद्धि गर्ने उदेश्यले कार्यक्रमको आयोजना गरिएको कृषि ज्ञान केन्द्र तनहुँका प्रमुख गोपाल शर्मा लामिछानेले जानकारी दिनुभएको छ । साथै उहाँले खाद्य तथा पोषण सुरक्षा ध्यान दिनु पर्ने भन्दै रैथाने बालीको संरक्षण गर्नु पर्नेमा जोड दिनुभयो ।
जैविक विविधता संरक्षण समिति पुर्कोट सामुदायीक बीउ बैंक भानुका अध्यक्ष विकलराज अधिकारीको सभापतित्वमा भएको सो कार्यक्रममा गण्डकी प्रदेशका कृषि तथा भूमि ब्यवस्था मन्त्री महेन्द्रध्वज जिसीले प्रदेशले कृषि क्षेत्रलाई प्राथमिकता दिएको र किसानका लागि सहयोग हुने खालका योजना निमार्ण गरी किसान लक्षित कार्यक्रम अगाडि बढाईएको जानकारी दिनुभयो ।
कार्यक्रममा भानु नगरपालिका भित्रका विद्यालयका विद्यार्थीहरु बीच “कृषि जैविक विविधता हाम्रो अमूल्य सम्पदा, संरक्षण एवं दिगो उपयोग हाम्रो प्रतिवद्धता” भन्ने शीर्षकमा वक्तृत्वकला प्रतियोगिता गरिएको थियो । प्रतियोगितामा कर्मदा माविकी राधिका घले प्रथम, कर्मदा मावि कै बविता अधिकारी द्धितिय, मनोहर माविका सन्तोष कुमाल तृतिय , पुर्कोट माविकी अप्सरा मिया र मस्र्याङ्दी प्राविका कृष्ण श्रेष्ठले सान्त्वना स्थान प्राप्त गर्नु भएको भानु नगरपालिकाका कृषि तथा पशुपंक्षी शाखाका राजन सेढाईंले जानकारी दिनुभयो ।
कार्यक्रममा तनहुँका प्रमुख जिल्ला अधिकारी जनाद्र्धन गौतम, वडा अध्यक्ष मिनबहादुर गुरुङ लगाएतको सहभागिता रहेको थियो ।

Leave a Reply

Your email address will not be published. Required fields are marked *

Back to top button
Close

Adblock Detected

Please consider supporting us by disabling your ad blocker