गठबन्धनको सरकार पाँच वर्ष कायम रहन्छ ः प्रधानमन्त्री प्रचण्ड

राजेन्द्र न्यौपाने
गोरखा ११ पुष । प्रधानमन्त्री पुष्पकमल दाहाल (प्रचण्ड)ले गठबन्धनको सरकार पाँच वर्ष कायम रहने बताउनुभएको छ । गोरखाको बारपाक सुलिकोट गाउँपालिकामा आज आयोजित स्थानीय सरकार, सरोकारवालासँग प्रधानमन्त्री कार्यक्रमलाई सम्बोधन गर्नुहुँदै सरकार सञ्चालन भएको एक वर्ष नपुग्दा स्थापित दलहरुलाई विभिन्न आरोप लगाउँदै विभिन्न हर्कत भइरहेको र हामी सबै मिलेर त्यसको प्रतिवाद गर्नुपर्ने बताउनुभयो ।
मँसिरको पहिलो हप्ता भएको होहल्ला सरकारले धैर्यता र दृढताका साथ विफल तुल्याएको उहाँको भनाई छ । गठबन्धन सरकारले एक वर्षमा गरेका कामहरु गर्व गर्न लायक भएको बताउँदै बाँकी चार वर्षमा अझै धेरै काम गर्ने बताउनुभयो ।
आफू गोरखा जिल्लाको निर्वाचन क्षेत्र नम्बर २ को जनप्रतिनिधि भएको नाताले पनि चार वर्ष भित्र यस क्षेत्रका मुख्य सडकहरु कालोपत्रे गर्ने उहाँको भनाइ थियो ।
नेकपा माओवादी केन्द्रका पार्टी अध्यक्ष समेत रहनुभएका दाहालले जनतासँग माओवादी विशेष रुपान्तरण अभियानको क्रममा बारपाक सुलिकोट गाउँपालिकाको वडा बैठकलाई समेत सम्बोधन गर्नुभएको थियो । दाहालले बैठक पछि सहिद वेपत्ता परिवारजनसँग भेटघाट समेत गर्नुभएको थियो ।

Leave a Reply

Your email address will not be published. Required fields are marked *

Back to top button
Close

Adblock Detected

Please consider supporting us by disabling your ad blocker