गोरखा, २१ असार ।
चोरी मुद्धाका फरार अभियुक्तलाई जिल्ला प्रहरी कार्यालय गोरखाले पक्राउ गरेको छ । फैसला कार्यान्वयन गर्ने सिलसिलामा गोरखा जिल्ला अदालत गोरखाबाट कैद र जरिवानाको सजाय पाएका गोरखा नगरपालिका–८ का २१ बर्षका दिपेश भनिने राकेश मजकोटीलाई पक्राउ गरिएको जिल्ला प्रहरी कार्यालय गोरखाका प्रहरी नायब उपरीक्षक (डिएसपी) रमेशकुमार श्रेष्ठले जानकारी दिनुभयो ।
पक्राउ परेका मजकोटीलाई अदालतले ७ हजार रुपैया जरिवाना सहित ९ दिन कैद सजायको फैसला गरेको थियो । उनलाई आज नै कैद तथा जरिवाना असुलका लागि अदालतको आदेशबाट गोरखा कारागारमा पठाइएको डिएसपी श्रेष्ठले जानकारी दिनुभयो ।
